ديوان قصائد لشعراء المملكة العربية السعودية (متجدد)☘️☘️

ياتل قلبي تلتين(ن ) بنتله .. سعد بن جدلان

ياتل قلبي تلتين(ن )بنتله
كنه من الأضلاع ينتل بسلسال
من وضعي اللي شايف فيه شتله
دنيا تخلي صاحي الفكر يهتال
أحد(ن) توريه السعد واضحكت له
وتخلي أزنوده قويات وعتال
وأحد(ن) ليا منه مشى خطرشتله
مر (ن) يطيح ومر للحمل يشتال
يبغى يصافيها وهي ما صفتله
لاكان وده يفعل الطيب ماحتال
وضعه يسوقه والليالي أتختله
ويصير بين أثنين ناقض وفتال
ياحمود شف للوضع والا التفتله
شرواك له فالطيب منهج ومبتال

سلام عدة وبل مزن ٍ مراديف .. سعد بن جدلان

سلام عدة وبل مزن ٍ مراديف
نو ٍ من المنشأ تزبر جويره
يا سيفنا الدايم و يا دايم السيف
ابن الملوك أحفاد صقر الجزيره
أهل الجموع مفرقات المواليف
و اهل المقصب و السيوف الشقيره
حبيت أقدم عندكم باقة الصيف
ي ملتقى السواح من كل ديره
شمت هوا تونس و باريس و جنيف
ي طلة أبها و الجنوب و عسيره
خواطري مثل السبور المشاريف
المغريات السرد المستذيره
اللي تهاوي طيبين المواقيف
و تهيم في مدح الاسامي الشهيره
تقلط على فيصل ترز الغطاريف
شعر يهيج داخله عبر أثيره
فيصل ولد خالد مغيث الملاهيف
فراج كرب المعضلات الكبيره
المملكه ما رد جيزان لي طريف
عاشت بخير الله بدي ثم خيره
وفيصل سمي اللي فتح خط برليف
يوم انعمت عند الرجال البصيره
و فيصل تعشقه طيبات السواليف
وتخرم لريحة مستكاه و عبيره
عز الله انها تنلقى بهجة الضيف
على كواكب حاجبيك المنيره
يا الهيلع اللي ما تحسب التكاليف
وهايبك تغني اليدين الفقيره
كبر الوهايم للرجال الجوازيف
اللي يشوفون الكبيره صغيره
ولا ترى اللي دايم شبره ضعيف
ما يبغي الا العافيه و الستيره
يا سيفنا الدايم و يا دايم السيف
المعذره كان القصيده قصيره

سلام عدة وبل مزن ٍ مراديف .. سعد بن جدلان

سلام عدة وبل مزن ٍ مراديف
نو ٍ من المنشأ تزبر جويره
يا سيفنا الدايم و يا دايم السيف
ابن الملوك أحفاد صقر الجزيره
أهل الجموع مفرقات المواليف
و اهل المقصب و السيوف الشقيره
حبيت أقدم عندكم باقة الصيف
ي ملتقى السواح من كل ديره
شمت هوا تونس و باريس و جنيف
ي طلة أبها و الجنوب و عسيره
خواطري مثل السبور المشاريف
المغريات السرد المستذيره
اللي تهاوي طيبين المواقيف
و تهيم في مدح الاسامي الشهيره
تقلط على فيصل ترز الغطاريف
شعر يهيج داخله عبر أثيره
فيصل ولد خالد مغيث الملاهيف
فراج كرب المعضلات الكبيره
المملكه ما رد جيزان لي طريف
عاشت بخير الله بدي ثم خيره
وفيصل سمي اللي فتح خط برليف
يوم انعمت عند الرجال البصيره
و فيصل تعشقه طيبات السواليف
وتخرم لريحة مستكاه و عبيره
عز الله انها تنلقى بهجة الضيف
على كواكب حاجبيك المنيره
يا الهيلع اللي ما تحسب التكاليف
وهايبك تغني اليدين الفقيره
كبر الوهايم للرجال الجوازيف
اللي يشوفون الكبيره صغيره
ولا ترى اللي دايم شبره ضعيف
ما يبغي الا العافيه و الستيره
يا سيفنا الدايم و يا دايم السيف
المعذره كان القصيده قصيره

المماشي .. سعد بن جدلان

لاتخالفت المماشي تخالفت الدروب
مع من يعنيك ويقدرك وتقدّره
والبشر محدٍ على شف غيره بمغَصوب
من بغاله شعب فيسنده ويحّدره
والأدمي ماهوب يدري بسدات الغيوب
وارد الما مايدلّه ياكود مصّدره
ولا تجيك الحصبه الا من فراش امحصوب
وحبة الجدري تجي من فراش مجّدره

بهازيج الكلام .. سعد بن جدلان

لي مدة من بهازيج الكلام معزول
اسمع جهازاتها ومطفّي نورها
وأنا خفوقي ودود ولي مزاج ملول
أحارب انفاقها واعاشر جسورها
أوحيت من ثامر بن قطيم صوت تلول
لايق لمرضيها لايق لجمهورها
كنه يحول على لب المسامع محول
وتلد له لدة الطيح لمقهورها
واسند على كوكب بالشعر يطلل طلول
سود الليال يتبدد منه ديجورها
عيد السمير المزيني مثل ضرب المثول
ما يستلم كل عله كود دكتورها
وأخذت فنجال كيف مع الفناجيل دول
ضرمت يوم القهاوي دنت نجورها
وشرد القرايح خزايزهن حذور جفول
تسكن مساس الصدور وتدهل اقفورها
يا صاح مهلك ترى ابن آدم ظلوم جهول
حمله رفضته جبال الأرض وبحورها
تجار مصر الكنان من الفلاليح فول
وتجارة الشام تفاحه وبندورها
وتجار بغداد بر في بطون الحقول
وتجارة أهل الحسا تفخر من تمورها
وجميع ما في البسيطة من كيان يزول
والامه أمر الله الغالب على أمورها
وأكثر عيون العرب من شارة الحق حول
لو تشرق الشمس من صوبه حجب نورها
والفرق بين العلالي والسهل والسفول
مثل الأصابع بنانيها وخنصورها
ودي يا ذات اللبيب اليابغيت الوصول
لا تبحث الناس لين تثور شعورها
ومن العدود اشرب الصافي وكب الحثول
واسرح وخل السواني في ظهر ثورها
فاح النفل والخزامى بالفلا والميول
فأول شطور القصيدة وآخر شطورها

خاوينا على سعد الخوي .. سعد بن جدلان

خاوينا على سعد الخوي و افي الاشبار
شيخٍ من جنوب المملكة جابني صيته
دماث الجناب اللي تباشر به الخطار
تشوف الكرامه في حجاجه اليا جيته
والهقوات في عبدالعزيز الكبير كبار
لا جيته تبي لك لازم ٍ ما تعديته
خوي أبو تركي كل يوم ٍ على فكس آر
و غيره خويه ما يعيّن عشا بيته
عسى الشايب اللي عقّبه ما يطب النار
و الله يرحم أم ٍ جابته حيه و ميته

السيف الشقير .. سعد بن جدلان

الأوله من الأولات عبادة المعبودي
الله اللي يولج لياليه في الأيامي
فاح ريح الجاوي من العود والكمبودي
مع ذعاذيع الصبا لا هبت الأنسامي
يا قريحة خاطري مع فوح ريح العودي
في نحور الطرس الأبيض سجلي ياقلامي
واكتبي سطر سواة اللولو المنضودي
وابدعي قاف يغني في اليمن والشامي
في نبا فيصل ولد خالد زعيم الجودي
يا سلام الله على راعي المقام السامي
يسمو الإبداع في السيد من المسيودي
وفي سما الأسياد يوضي كوكب قدامي
أهل عقال القصب والجوخ والحمودي
واهل السيف الشقير مناصر الإسلامي
حبنا آل سعود قاد المجد في ابن سعودي
وأنت يا هداج تيماء بهجة للضامي
جيت أهني جيت أبارك جيت لي مقصودي
فيك تكبر شرهتي ويحققن أحلامي
جيت أبي منك الفرج يا فزعة المضهودي
و ابني آدم يرمي الأسهام والله الرامي
والختام اسلم عدد ما نسنس النودي
من هجوس ما تساق إلا على الحكامي

ألا يالهبوب البارده .. سعد بن جدلان

ألا يالهبوب البارده عجلي هبي
على جاش من قامت هواجيسه أتلوبه
أنا مرةٍ أصحى ومره يغيبي
وأسرح مع كثر الطواري بغيبوبه
ألا يادهر ماهوب حقٍ تلاعبي
وخليتني لمقرد الخلق لعبوبه
أعبادٍمغفلها الزمان وتعجبي
يحسبون قل المال فالرجل عذروبه
وأنا قانعٍ باللي علي كاتبه ربي
ومؤمن بمقدوره وقانعٍ بمكتوبه
ولا أبغى عماألرياء برايه يجربي
وهو ماعرف ماجوب ربي وماجوبه
هدور المجالس راعي المدح والسبي
وهو بالخلاء لو جاه بنتٍ خذت ثوبه
يقولون لي جز من تصرفك وتحبي
وهي توبتي من مجتمعهم هي التوبه
ديار الوباءمن طبها راح متوبي
وقرابة الجرباء على الحول مجروبه
أناعارفٍ منصاي ألامن بدا نبي
وعارف طريقي والذي بالتجه صوبه
وأنا أعرف من أعادي وأناأعرف من أحبي
وبه ناس لاتعرف ولاهيب محبوبه

خارطة الطريق .. سعد بن جدلان

يا ذا الجلال اللي عروشك فوق وأملاكك حد
ومهماً تسامت به عروشه مستحيلا يطولها
يا حي يا قيّوم يا ذا الأنافة والكبر
ما نافسك في عظمتك مكر العباد وهولها
وما نافسك من عمّر بيوته على سطح القمر
واللّي ترسي فوق أقاليم المياه سطولها
ما انته بحاجة من عبد ولا بحاجة من كفر
ولا بحاجة ثابت الدنيا ولا منقولها
أنت السميع لمن حمد وانت المزيد لمن شكر
واللي ما يشكر نعمة المنعم عليه تزولها
ياذا الجبروت العظيم ويا القدير المقتدر
تفزع لنا في معضلات ما نريس حلولها
تلعب بنا خلاّن فرغتنا كما لعب الكور
وأن اقبلت صاحوا لها ان دبّرت صاحوا لها
لا هبّنا الطايف بعض الأحيان في فية عصر
شهب الليالي من ورانا يسحبن ذيولها
أنت السلام اللي لك الإسلام وأنت المشمخرر
اللي عجايب قدرتك في المعجبين ذهولها
سلام يا محمد رسول الله راعي الوجه الأغر
وسلام يا روح ملائكة السما صلّوا لها
سلام يا ابوبكر يا عثمان يا علي وعمر
وسلام يا سبع الآفاق أطلالها واسفولها
سلام يا صدق النوى سلام يا وسع الصدر
سلام يا مفتاح بيبان الفرح وقفولها
وسلام يا شمس الضحى تشرق على بر
وبحروتشرق على كل الديار جبالها وسهولها
وسلام يا غر السحاب اللي تبجح بالمطر
وشم الجبال اللي تبجح بالسحاب قذولها
وسلام يا هوج الرياح اللي عطاها مستمر
مهما خذوا منها من الحسنات ما ردوا لها
بوجيهها حق وقدر وقليت الرحاب اللي لنا
ما تضمحل من الزمان ولا نشوف سمولها
ويا ليتنا لاما سرحنا اليوم الأبيض من فجر
تبطي عبات الليل ما تضفي عليه سدولها
ولا ليا منها ضفن سدولها يطلع بدر
يا صل ضياه اللي على الكوره تطق طبولها
المعتبر يآخذ على الدنيا دروس من العبر
والناس بكسبها معاملها بقد عقولها
أحيان تصدف لعبة الشاطر مع غلطة عمر
مرة.. لكن لا عّدت الغلطة ما عاد ينولها
حنا عرفنا كلنا ما طال من شيء قصر
والأحلام ماتوا قبلنا شرهين ما وصلوا لها
حتى الجمال اللي نحملها الهقاوي بالصبر
يالله بحملتها تقوم وتدّرج بحمولها
والحب سيسان العبادة والعبادة بالجهر
إن ما قدرت تقولها وجه الصحيح يقولها
يسرون عميان المحبة تيه في غدرا الغدر
للي تحد سيوفها واللي تعن خيولها
ولا تفكر في غناة ولا تفكر في فقر
وتشفع لبيضان الصدور احضوضها وفعولها
أهل التكلف بالمعرفة والتصنع بالبشر
والله ما هي حول الصحيح ولا الصحيح بحولها
ما يقّيم بو ميه من بو عشر اللي يفضّل
حتى الفضولية عن الفاضل بطل مفعولها
اللي تخبره لحيته ذا ..طولها يصبح بزر
واللي تخبره بزر يصبح تصبح لحيته ذا طولها

ياعيون اللي على المرقب تعلاّ .. سعد بن جدلان

ياعيون اللي على المرقب تعلاّ
مايرب الا المراقيب الطوالا
طرتّك منها غثاء البال يتجلاّ
نعسٍ مابينها بيضٍ تلالا
تذهل إلّي في جواهرها تحلاّ
واهني من ذاق من ريقك زلالا
لا وجاه الله ومنّ زكّى وصلاّ
مانبيك الاّ على السنّه حلالا
مايرّد الجوع شخبٍ في المفلاّ
ولا يخضّ السعن من ذوده هجالا
أنت غالي ياوليفي لا تغلاّ
يثبت الليّ بيننا ايامٍ طوالا
واللهّ انّي ميسٍ من وصلك الاّ
فزعةٍ من ربنا جلّ وتعالا
أدخل الضولات من شان أتسلاّ
كود جرح القلب يبرى ويتشالا
والمجنّب من الأوادم مايخلاّ
لا سلم من شرّ ذولا ..جوه ذولا