الاول يا الاول

إتــهـبـى يـا زمـان الـمـصـلـحة والـغـدار
الزمن كم غدر في الناس وأتـلـف زيـون
الـوصـل والـلـقـاء يـقــفـاه لحـظـة وداع
الـتّـمِـر ما نــريــده لـو يـجـي مـنـه مــر
فاحذر الداب الأسـود وانتبه مـن لـذاعـة
وان شرعت الـبحَـر فاحذر من الـباخـرة

الرد

مرحبابك عـدد مــــــالاح برق(ن) ودار
نسمع اخبار في رادي وفااتلف زيون
وانا مااحب تفريق الشمل والـــــوداع
واصل اللي يحبك يازميلي ومـــــــــر
لاتصدق كـــلامن ينقل بالاذاعــــــــــه
وانت باول صفوف القوم ماانت اخـره


( البدع )

الـبـقـى وأشـهـد إنك من كبار الـشّـعـار
يا زمــيــل ٍ يــلـبّي نـخـوة المـنـتـخـون
يفزع إليا دعى للصـيـد والـقـنـص داع
من وصلني وصلته واهـجـر الـي هـجـر
غير حاظر ياسيف الشعر سمع ٍ وطاعة
أنـت قـايـد ويـعـطـي الأمـر لـعــســاكــره

السلام عليكم

صبحكم الله بالخير

الاخوان الشعّار

دماوي حيل & سيف الشعر & عبدالله بن علي

الحقيقه محاوره جيده

وبيّض الله وجيهكم كلكم شعّار على مستوى وابيات جميله سواء من بدع او رد

ونعتذر من الجميع لعدم المشاركه. نظراً لعدم تواجدي المستمر على الجهاز

ونعوضكم إن شاء الله في محاوره آخرى

وآصلوووو و موفقين

ارحب ملايين يالمعاوي

ونبغاك رباعية وابدعها بعد المحاورة ذي

انا وانت والشاعر عبدالله وسيف الشعر

او اللي تفصلونه حن حاضرين

هلا بزميل الشعر عبدالله

البدع

مرحبا يا مخالف بإسمك المستعـــــــار
مدري انت الخَصِم والا من اللي يمون
مثل من يشعر وينقر ويعــــرض وزاع
وش بلاه امس لين اليوم ديكك زقــــر
حن شرينا وبعنا وانت تعرض بضاعة
مدري من وين جبت حمولها الجايــرة

الرد

والله ماقد نكثت إعهود ولمست عــــــار
ومانحشر لو شبحت الناس متليِّمـــــون
وازعي كبر ضلع طويق يوم الـــــوزاع
يا وطَفْ قِرّ دونك مخلب الباز قِــــــــــرّ
خلّ من حبّ ضاع الضاع يلعبّ بضاعة
امَّا انا العب بحُرّ اشقر هِزم جايـــــــرة

حيا الله الشاعر بن مفراص

يوم السعد والله يوم نشوفك انت والاخوان

اكرر ترحيبي لابو علي

بس يابو علي خلها بين الشاعرين دماوي وسيف وبعدها محاورة رباعية انت وسيف

وبن مفراص وبن منجية

تحية طيبة

وننتظر الرد على بو عابد ياسيف

وبكل صدر رحب حتى لو تقعد شهر

كيف وشعارنا السعة لا بارك الله فالضيج السعة

لعلمنا بمشاغل بعض ونقدر ضروف بعض

تحياتي

أنا ما أدري وش تبغى بالظبط يا أحمد

أنت شايفنا الآن متكاملين في المعنى أنا وسيف الشعر

يعني وجودي ضروري في المحاورة الحالية

بعد أن أصبحت أحد أطرافها

ترى ما بيني وبينك ألا الطيب

تحياتي

يالله صباح خير

انت ماتدري وش ابي يابو علي؟؟

طيب انا اعلمك وش ابي بالظبط

يا شاعرنا الفاضل انا هنا منسق ومنظم للمحاورات

لانك انت شاعر وتعرف ان الشعار يحبون يركزون في محاوراتهم

وانا ماقصد انك افسدت هالشي بس انت ماكنت متواجد فالبداية

اذا خلصت المحاورة ابشر تحاور مع الي تبي من الشعار

ورباعية او ثنائية وبكيفكم

فهمتني يالطيب


ومابيني انا وياك الا زي كل الاعضاء فالمنتدى

كل علم غانم


اكرر واقول

نحن نللتقي لنرتقي

هذا ردي على ابو عابد

بعض الاقوال ما تخفى مجرَّد شِعـــــار
وين راح الضمير الحيّ يا مَن تخـــون
من زعَجني بنات الفكر يلقن صـــــداع
لين ما عاد اميِّز بين حضر وهِجَــــــــر
يقصر العمر مقصوف الردا والقطاعة
والمنادم يدير السكر مع ساكــــــــــره

والله اكبر ولا اله الا الله

سبحان الله وبحمده سبحان الله العظيم ونستغفره ونتوب اليه

اتمنى من زملاي الشعار اذا بعد بهم حيل

يفتحون محاورة جديدة ويا ليت يكون المعاوي طرف فيها لانه ضيف علانا وراعي محل

تحياتي