اخترنا لكم

نعيش ف الدنيا العريضه ونحلم
ويمكن نحب اشياء وفيها مضرّه

يارب وانت اللي عن الغيب تعلم
اكتب لنا اللي فيه خير ومسرّه

.....

إنسان ليت إنك عرفته من إسنين
وإنسان ليت إنـك أبد مـا عـرفـته

وإنسان ما يسقط خياله من العين
وإنسان ما كنك مـع الوقـت شفته

.....

من عرفت انك تحبّين القصيد وتحفظينه
جبت لك در القصيد وسقت لعيونك ركابي

يكفي ان اسمي أنا من بين الأسما تعرفينه
كان خفتي لاتخافي ايّ شي إلاّ غيّابي

شاعرك من عادته لاغاب عوّد بالثمـينه
دام طيفك لادني صوبي مايفقدني صوابي

القلوب العاشقه حرّه ولكنها سجينه
والآمل لوينعش احلامي ماهو جابر مصابي

كم رواية مبهره كانت نهايتها حزينه
لا يروح العمـر قبل اغـنم معك زهرة شبابي

.....

والله ان صدري معافى وخفاقي نظيف
لو اشوف الحزن في عين حسادي زعلت

الملامح بعض الاحيان تظهرني عنيف
والا انا بالكلمه الطيبه ماقد بخلت

اقبل بوجهٍ يشرف ومنطوقٍ عفيف
ولا لقيت اللي ينقص من حضوري رحلت

اتعدا عن عيوب البشر كني كفيف
ولا تبين شيء للعين جنبت وغفلت

.....

أبعدي ياهموم الصدر عني وغيبي
‏يكفي اللي من أفراحي ووقتي سلبتيه

‏كم ليالي قضيتيها معي ما تغيبي
‏فارقيني وأنا اسامحك باللي سرقتيه

‏ودي اسج من وقت الفجر للمغيبي
‏مع مناظر تداوي صدري اللي جرحتيه

.....

لاتبلش القلب في ودّه وفي هاته
ولا تتبع النفس ثم ماعاد تقدرها

خلك قنوع ولا تعطي القلب مشهاته
ماضيع الطيبين الا مشاعرها

.....

نمشي على حكم الزمن غصب عنا
ونقول ياقلب العنا الف لاباس

حتى ولو بالقلب سهم طعنا
نضحك ونخفي كل جرح عن الناس

....

أجمل عطر ريح الثرى بعد الأمطار
خل العطور اللي من أسواق باريس

يا ماحلى عقب المطر شبة النار
مع هاجسٍ يمطر مشاعر وأحاسيس

.....

سكرت انا باب العتب والنقاشات
ماعاد لي خاطر افتش وابرر

كثر العتب شوّه جميل العلاقات
خل النوايا البيض عنك تقرر



.....

مالي علاقة مع أهل الحب بالمرّه
ولاني غرامي لو أبياتي غراميّة

حتى ولو شفتني فالحب متشرّه
علاقتي مع جميع الناس سطحية


.....