اخترنا لكم

لا ضاق فيك الدرب لا ترجع ورى
‏إصبر وغامر والعمر حظ ونصيب

‏أحـــدٍ لقى في مقبل أيــامه ذرى
‏وأحــدٍ رمى لكن عـــيا لا يصيب

.....

الا يا مرحبا وأهلين يا وجه الرضا الفتّان
‏ويا جعل العمر يفداه بأيامه وأسابيعه

.....

‏كثر ما شفت من الملامح والعيون
‏في ناهيات الحسن من بيض وسمر

‏ما كان فرقك فرق شكل وفرق لون
‏فرق النجوم الساريات من القمر

‏تمر في بال القصايد واللحون
‏إن ماا قدرت إنّك على بالي تمر

‏الله يسامحني على بعض الظنون
‏كنت أحسب إنّك مرحلة وأثرك عمر

.....

‏مابين لدغات القرايب والاجناب
‏ما قمت افرق بين عقرب وحيه

‏ناس تقلب ماعرفنا لها اسباب
‏تصبح بنيه وثم تمسي بنيه

‏صار التشتت عاده بين الاقراب
‏والكل يرمي صاحبه بالخطيه

‏اكثر سوالفنا مشاريه وعتاب
‏حتى بعدنا عن حلول القضيه

‏قل التراحم واغلقوا دونه الباب
‏وقل التواصل والغلا والحميه

‏وين القلوب الصافيه وين الاحباب
‏وين القلوب الطاهره والبريه

.....

‏يعم الهدوء و يستثير السكون الصوت
‏و أنا بين صوت العقل و إحساسي الجايش

‏ما ضيّعني و ذوّقني الموت قبل أموت
‏إلا عقلي المتحرّص و قلبي الطايش

‏أشوف الحياة جنازةٍ في بطن تابوت
‏لكنّي رغم كل الصعوبات..متعايش

‏ترا ما أصعب من الموت و اللي خلاف الموت
‏إلا الفترة اللي لا أنت ميت ولا عايش

.....

مرت ثلاث شهور نفسي طايبه والحال حال
‏وين القدا يالي تعرفون القدا وين القدا

‏من كثر ماجربت فالدنيا ومن سود الليال
‏اعذرت في بعض الامور وراحت احلامي سدا

‏ماشفت شيً يغري العالم مثل خشم الريال
‏يقدر يرد الي من اول مايردون الندا

‏ياهيه يالي مشغلن عمرك ترى مالك مجال
‏تضحك لو ان عروق قلبك داخلً فيها صدا

.....

‏وين انت ياللي تسبب غيبتك تكه
‏ادمنت حبك تقول ادمان متعاطي

‏ياللي جديلك تلمه فوق وتفكه
‏تقول موج البحر يصفق على الشاطي

‏لايدخلك من محاريف الهوى شكه
‏ويضيّعك فالمساري فهمك الخاطي

‏يحرم علي مثل حرم الصيد في مكه
‏نسيان من فالمحبه يدمح أغلاطي

.....

‏ياللي خذاك الطيش واعماك الغرور
‏الحب مثل الدين لا إكراه فيه

‏ترى السنين تدور والدنيا تدور
‏ماهيب واقفةٍ عليك ولا عليه

‏لا تنشد اللي لاحقه منها قصور
‏مير انشد اللي ماليٍ منها يديه

.....

‏لا تبحّث عن خفايا صدري المتغاضي
‏ما بقى الا هرجةٍ كادت فم المتكلّم

‏ماشبعنا الا من صحون الكلام الفاضي
‏الحياه ام التجارب والظروف تعلّم

.....

شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنّك ترد النفس عن شيٍ تعافه
‏ماقدرت تحطّ نفسك فالمكان اللي تحبه

.....