فوق هام السحب ( الشعر الشعبي) على متن القوافي

شاعر ينومس كل ماجرالأقلام
وشاعر فلاشات المحافل تجرًه

يسّوم كبود العرب صنع الإعلام
لابارك الله فيه يسقيك مرًه


فايز المنصوري
‎

يقولون قدر الناس بريال وريالين
وأنا ماعطيت لمايقولون أهمية

فقيرٍ بليا مال لكن طويل يدين
هذا اللي له التقدير من باب أحقية


فهد الزعبي

‎

اسمحولي بشطر بيتٍ فالصميم
والق نظره يامتابع واستمع

الرجيم ان كان ودك بالرجيم
عن للحوم الناس وقف وامتنع


سعد الحداري

‎

حاجتين والله مايبررها مبرّر
توجع الرجال وتقرب همومه

الخطا من صاحبه لامن تكرّر
وابن عمه لاتردّا في لزومه


عنيزان البقمي

وليف معي ذكراه تصبح معي وتبات
معي في آلمنام و له خيآلٍ يباريني

غـدوا في محلٍ مالنا صوبهم حاجات
ولابه سلومً صوب بيته تجريني


......

أحب النقا وأهل النقا لي مراد وشف
ورفيق المصالح حالف مايخاويني

ليا لفت حبال الزمن في حياتي لف
عرفت الرفيق اللي مع الوقت شاريني


حمد السحيمي

‎

لامنك عرفت الواحد فلاهو اخذ وخل
تبي تاخذه فخذه تبي شوي فخله

عسى كل عود مايجي تحت غصنه ظل
يجيه الضما وتلوفه النود وتشله


بوشعرتين

تدور الليال السود مابين زين وشين
وفبطونها اسرار المقابيل مخفيه

ومن لايجرب فالحياه القسى واللين
لايامن مع الايام يصبح لها ضحيه


عون بن جبيع

الا يالبنادم لو صفالك زمانك زين
توقع ترى الايام ماهيب مامونه

تبسم لك الدنيا وتبدي لك السنّين
وياسرع ماتطا على الراس ومتونه


ممدوح المرزوقي

قوي العزايم ما يهمه كـلام إعداه
ولايلتفت في صاحب الكلمه الطفسه

وضعيف الروابع يزعج المجتمع برغاه
على كل كلمة يلحقه شك في نفسه


أحمد البلادي

‎