اخترنا لكم

يوم أنا مالي من الدنيا سوى وجهك زهاب
عن حمولك هاك متني واللّي في بالك قله

إيه يا فرحة وصول الحلم وأعتاق الرقاب
وأثمن أقدار السنين الماضيه والمقبله

.....

ياليت عيني تشوف وياليت قلبي حجر
ما كان أشيل البشر وفي كل مره تطيح !

مابعد سود الليالِ الا بياض الفجر
ومابعد زيف الكلام إلا الكلام الصريح

.....

نكتم شعور قلوبنا من حيا الروح
دام الأمـانـي بـالمحاني كثيره

احيان نطريها على البال وتروح
واحيان تطغى بالخفوق وتثيره

.....

المعزه بين الاصحاب كنز وراس مال
علمـوا من يجهل العلم هـذا علمـوه

ما جهلنا في ‎حقوق الرفيق بكل حال
لا حداه الوقت جيناه لامن هملوه

.....

‏الحقد في قلب السفيه متخبّي
مايطلع الا بعـد خطـه وتهريب

عن الحقود اعطيك تقرير طبي
من راسه لرجليه كله عذاريب

.....

‏فهمت الحياه وعشت في مدرسة الايام
‏من العمر مايكفي مواجه خوافيها

‏من العزم أمد النفس بالصبر والاقدام
‏ضعاف العزايم ماتبيني ولا أبيها

.....

ومن يقول العيب لو خلّص الجيب
العيب لو مالك حرام إكتسبته

والعيب الأكبر بس لو تعرف العيب
انك لربّك بالزمن ماعرفته

.....

‏سـمعـة الرجّال أغـلى من حياته
‏وطيبته لو طاب لك من طيب فكره

‏وموتت الرجال ماهي في وفـاته
‏موتتـه لا مات بين الناس ذِكره

.....

‏يالعنبو الرديان واحد واحد
من تردى ودك انه خارج الجنسيه

لاكريم ولاشجاع وللجمايل جاحد
شوفته نقص وتجيب العله النفسيه

.....

‏يالله إني في ذراك من الفقر والحاجة
ومن وجيه تضحك بوجهي وهي تكرهني

ِومن رفيقٍ ما عرفنا علته وعلاجه
كل يوم يذمني و إن شافني يمدحني

.....