فوق هام السحب ( الشعر الشعبي) على متن القوافي

أنا والأيام شيل وحط من مبطي
بأحوالها بين منعدله ومنعاجه

الحظ يومٍ يصيب وسبعةٍ يخطي
وكم صاحبٍ غاب يومٍ كنت محتاجِه

لكن واثق بربي الرازق المعطي
عطاه يغني ومده يقضي الحاجه


النجم العالي

‎

لـي صـاحب الـيا تـضايقت جيته
مثل الطبيب اشكي عليه المواجع

الـنفس وجـهتها عـنالـناس بـيته
تـأتـيـه عـنـد سـرورهـا والـفواجع

اكـبـر هـموموي لاوصـلت ولـقيته
تـذوب بطراف الرموش السواجع


بن زابن
‎

يقطعك يادنيا التجاهل والاهمال
وقل الذخيره يوم تجر الجواري

نـوب اصعـدهـا علـى كـف جـمال
ونـوب يحدرها ضعيف الطواري

الـعـام انـا والـعـافيه نطرد المال
نجري وراها مثل جري الضواري

والـيوم انا والمال مانبري الحال
الـلـي عـلـيـه مـن الـشقيا مواري


بن زابن
‎

سلومنا تمنع العاقل من الزله
ولانحط لاصحابنا الغالين محباله

سواد وجــه الردي تلقاه بسجله
وبياض وجـه الكفو تلقاه بأفعاله

جنب عن اللي قباله كلٍ يمله
عليك بللي يسر الروح ف إقباله

إترك ردي العزوم وبارد الحله
وقليل الرابعه لاكثرو اشكاله


زويد الهويملي

‎

الصريح من الرياجيل والرجال العروف
مستحيل ادنات حاجه عليه تخمني
ٰ
والخطاء والرميه اللي تجيني من زهوف
ماحسبت حساب اهلها عشان تهمني
ٰ
يابن عمي مالك الا ابن عمك فالظروف
حطني فالموقفف اللي تبيه وسسمني
ٰ
عدتها رغم انف لا والله الارغم انوف
لايهمك من مدحني ولا من ذممني


علي الدعيه

بعض العرب يازين مزحه وعوجاه
من خف نفسه كل مايقول مقبول

وبعض العرب يادبلة الكبد دبلاه
اثقل على بطون الاوادم من الفول


تركي العريدي

يامـدعـين الطـيب لطيـب منهاج
صعبٍ على اللي ودهم يدعونه

فالقلب عرقه ماله حجاب وسياج
ويبان في الطيب بنظرت عيونه

ماهو تصنع طبع والقلب كالصاج
عمـلة نـقـاء ومـشيـداتن ركونه

ولاهوب هذرة هرج من كل هراج
طـبـعٍ تـمــيـزبـه رجـالٍ تصونه


سلطان الجابري
‎

يامسلمين اللي من ذنوبه يتوب
يبا يجي وجهه مثل نور الفجر

الهجر وجه كره والوصل محبوب
والله مال الهجر حل الا الهجر

تسامحوا جعل الله يغفر الذنوب
وتناصحوا جعل اللي يزيد الاجر

قلوبكم لن صابها حجر القلوب
حجر القلوب اشد حجر من الحجر


مشاري النثري

‎

الوقت يكشف لك الاصحاب بالمرّه
لو كان صبرك على الايام فولاذي

اللي ماهو معك فـ الحلوه وفـ المرّه
لاعاد ترجيه في هاذي وفي هاذي


مشاري النثري

‎

يا ربّ هذا زمن فتنة و وقت إنقسام
ما أدوّر إلا الثبات وما أطلب إلا اليقين

أدعي مثل ما دعا يوسف عليه السلام
توفني مسلماً وألحقني بـ الصالحين


......