اخترنا لكم

‏لا يهمك كلّ نفسٍ للجفا متجهة
‏القلوب الحانية وقت القسى معروفة

‏والله انّ اللي يحبّك تعرفة من وجهه
‏نظرتة فيها حنان وبسمتة مألوفة

.....

‏قمت اتذكر من الماضي بعض مانسيت
‏واكثر مايأثر علي فالحاضر اللي مضى

‏والصاحب اللي رضى يبعد وانا مارضيت
‏لكن جبرت ابتعد وارضى مثل مارضى

‏اتلى العهد به يقول اكلمك لافضيت
‏واليوم قد له سنه واكثر وهو مافضى

‏فيه الرجى ماقضى وانا مابعد قضيت
‏لكن حبه وتقديره هو اللي قضى

.....

‏رحلة خيالي تسافربي بليّا حدود
‏على مرابي طويلة عنق ومعرّبه

‏حوريةٍ جابها الله من جنان الخلود
‏جتنا زياره تشوف الكون وتجربه

.....

‏الهوى لذّته في طيشه وفي هباله
‏ولذّة اول شعور وربكة أول دقيقه

.....

‏حطني بين المعنق وبين الخوختين
‏وانثر السود الجدايل عليّ وفلها
‏
‏يا جميل الوصف عز الله ان الزين زين
‏رش روحي من سحابك وكبدي بلها
‏
‏الصباح اللي جمعني معك له طلتين
‏وانت والصبح اجمل ايات ربي كلها

.....

‏مامالت الأرض فيني وإستقرّت سماي
‏عشان آخايل بْكل منهو لمع بارقه

‏يستعذبك قلبي المُضنى ولي فيك راي
‏تأثيره أقوى عليّ من سحر الآفارقه

‏معاي ماكنّك إلاّ من هلي وإخوياي
‏ياشمس لو تظلم الدنيا عليّ شارقه

‏وشلون أبجحد معاريفك عليّ ومعاي
‏وأنتِ نبيلة شعور ووقفتك فارقه

.....

‏ان فرشت عمامتي من محبتك وغلاك
‏لأنّها اقرب شي مّما يوالي هامتي
‏ِ
‏غير احس اني مقصّر بقدرك يا ملاك
‏ودي احط لك كبدي ماهوب عمامتي

....

‏لعلك بخير وعافية وتحيا وتدوم
‏بركات صوتك كافية والوصال ابرك

‏احبك قبل يبرك على صدرك الجاثوم
‏أنا احق منه بالزيارة وبالمبرك

.....

‏لك عدة ايام واسلوبك معي سلبي
‏وتشك في دايم ونفسي فلا شكت

‏لاتهوز قلبي على الفرقا ترا قلبي
‏اصمل من البندق اللي مابعد لكت

.....

كل الدروب اللي تودّي لودِّي
من دونها سبعة بحور الكرامة

.....