اخترنا لكم

والله إني في ربيع العمر مرخصٍ لك سنيني
ما نبت للعمر زهر إلا عشانك تقطفينه

.....

‏خسران ياللي بالخفا تراقب الناس
‏اتعبت حالك والعرب مادروبك

.....

أنا والله المجنون والناس ما يدرون
‏وحي المجننّ تنتداوا ولا جني

‏تجننت من خمرة لسانٍ وسحر عيون
‏ولا لي جدا غير أرفع الصوت وأغني

‏ولا صدتْ منها الا اربعٍ تبحث المكنون
‏يا وجدي وياليته ويمكن ولو أني

‏سعد بن جدلان رحمه الله

عليه الخفوق يحِن لا مرني طاريه
وأدور مع الاجواد عن طاري أخباره

.....

انا عرفت الناس ما اجهل الناس
حتى غدت نفسي من الناس حذره

ماهو لزوم اللي زرع يحصد احساس
احيان تزرع لكن الارض قذره

.....

الطيب فطره والشجاعه من الله
والمرجله ماهي بمنصب ولا مال

والعاقل اللي كاف خيره وشره
ماهو مثل طبع الردي القيل والقال

.....

حدد مسارك واترك الناس للناس
‏ورفع طموحك فوق ظهر المجره

‏دور على اللي خوته ترفع الراس
‏اللي على المجد المسمى مقره

.....

على السعه ياللي معك خاطري رحب
ووسام حبي لك على صدري وشاح

غيرك معرف أعشق ولآ أعرف أحب
قلبي جمع فيك الأحاسيس وإرتاح

.....

‏أنا لك أصدق من الضحكه على وجهّك
‏وأحن من خاطرك وأقرب من ضلالك

.....

‏اشفق على شوفـه وضحكة حجاجه
‏واشتاق له شوق المغاليق للبـوح

تركـي الميزاني