اخترنا لكم

ذنبي هويتك وانته الصد ذنبك
وفي دنيتك يا زين انا صرت مغلوب

في من هويك ليش ما خفت ربك
غيبت عني وصرت ضايق ومكروب

من بعد ما ادمنتك وهايم بقربك
غيرت ارقامك وصكيتها البوب

ولا قدرت انساك وانساه حبك
من ذنب حبك عاصي القلب ما يتوب

ولا قبل غيرك فمولاك حسبك
تعبت روحي ومنك القلب متعوب

.....

ياصاحبي الله يمسيك بالخير
‏عقب البطا بنشدك وشلون حالك

‏من بيننا رفقه ومعزه وتقدير
‏وقل اتصالي يوم قل اتصالك

‏اقفت بك الايام من دون تبرير
‏ وجعل الفرح والطيب فالي وفالك

.....

‏لاضاق صدري قلت يارب رحماك
‏ياللي بذكرك ينجلي ضيق صدري

‏استغفرك واتوب لك واطلب رضاك
‏ماغيرك احد عن خفى النفس يدري

.....

‏من باعني زعلان بعته اليا رقت
‏ماني معلق في سواحل عيونه

‏عندي قناعه ماتغير مع الوقت
‏ان الغلا يستاهله من يصونه

‏لاتحملني خطايا نفسك المندفعه
‏الخطايا الي يحاسبني عليها ربي

‏ان عمدتك بالجفى ثقل وشموخ ورفعه
‏وان وصلتك من وفاي ومن نزاهه حبي

.....

الروح تحيا يوم تسمع بطاريگ
‏ودنياي بـوجودك صارت هنيــہ

‏مثل المطر تحيي الشعوب المهاليگ
‏تــروي القـلوب الظاميات الشقيـــہ

.....

‏الانبساط والانسجام وقمّة الاعجابي
‏والله ان كنّه يقدمها علي بكفوفه

‏تكثر اصحابي علي ولا تقّل اصحابي
‏المهم اني ماني مرتاح لين اشوفه

.....

‏ليت الليالي علمتني بالأقدار
‏كان ابتعدت وزال عني خطرها

‏وأثر الليالي ما تبيّن بالأسرار
‏تضحك لنا ساعه وتبدي كدرها

.....

ودّي اخسر كل شي إلا ضميري
‏اللي يسعف صاحبه لا من تحيّر

‏من كثر ما غيّرت الأيام غيري
‏والله اني خايف اني لا اتغيّر

.....

قانع ولا اتحسف على فايتٍ راح
مالي على حكم القدر اي تغيير

عقب الحزن لابد ماتأتي الافراح
وبعد الضماء بروا قراحٍ من البير

انا بسيط اعيش جوي ومرتاح
ميلة مزاجي تعدله سجة عصير

مااحسب تكاليف الخساير والارباح
دام العمر مره وانا عايشٍ بخير

.....