فوق هام السحب ( الشعر الشعبي) على متن القوافي

نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت لـ الكلام اللي يجي فينا
‏نفوسنا عن كلام الناس مرتفعه

......

أحفظ لسانك عن البهتان والغيبه
‏وأغنم حياة السعد والعز من بدري
‏ِ
‏من ينشغل في عيوب الناس عن عيبه
‏زادت عيوبه وهو مشغول ما يدري

......

غلاك ما يحتاج توثيق وحلوف
‏الله خلق حبك من الحب فيني

‏عزفت نغمة عشق عن كل معزوف
‏وسكنت في قلبي وروحي وعيني

‏أغلى المشاعر جتك في شعر وحروف
‏قلبي كتبها قبـل تكتبها يمينـي

......

حي من اغلب تفاصيله معاي
‏وحي من لبى نداي بضحكته

‏لو نويت احكي عن الحب و هواي
‏مستحيل انسى غلاه وسيرته

.....

كان المسافه ترفض اني اشوفك
خل اتصالك غصب عنها يجيني

وكان اتصالك حال دونه ضروفك
يكفي رسايل شوق بيني وبينك

وان كان مالي حظ حتى بحروفك
خلك بعيد ومسكنك وسط عيني

......

يالمستمع عندي نصيحه كلمتين
اهم من بني القصور الفاخره

عليك بالتقوى وبر الوالدين
وتفوز بالدنياء وجنة لآخره

......

دكتور لا تشرح ترى الفكر سارح
في حب من يسوى خفوقي وروحي

البعد يا دكتور مؤلم وجارح
والياس يا دكتور زوّد جروحي

وابا اختصر لك شي ماني بشارح
قوّيت عزمي ماوصل له طموحي

......

‏بيني وبينك حرقة البعد والشوق
زادت على نار المحبـّـه حطبهـا

انت الذي لاغبت عنـّي له اتوق
وانـت الـذي للـنـفس اول طـلبها

......

‏الوصل مثل الطب و البعد قتّال
بآنـبـّـهـك دام الله اليوم جـآبـك

دامك تعرف ان غيبتك تدمر الحال
لاعاد تبطي وآنجني من عذابك

......

‏البوح طير وصدتي برقع الطير
والحزن وكر وضامي الشوق صقار

أيحدني شـوقي على البـوح للغيـر
ويردني صمتي عن العيب والعار

......