فوق هام السحب ( الشعر الشعبي) على متن القوافي

‏اصد بكرامه لكن انساك لا بالله
‏وخذتني الحياه اللي كثيره معابرها

‏لكن بنصحك مني نصيحة لوجه الله
‏لا تنكر مواثيق الغلا وأنت خابرها

......

عيش يومك لا بدى صبحه و غنا طيره
و جدد أحلامك و غلفها بصبر و دعوه

و ظن في حاضرك دايم كل خير و خيره
للتفاؤل طعم حتى لو تخيب الهقوه

......

يا الله بصبحٍ فيه رحمة وتوفيق
‏من عند ربٍ مَـا انقفل يوم بابه

‏صبح السعة مافيه همٍ ولا ضيق
‏فيه البشاير ودعوةٍ مُستجابه


بقلمي

سوْ ما ودّك حبيبي لا يهمّك
من يشوفك حلم ما ودّه يفيقك

ما حسدت إلاّ عيون أبيك وأمّك
والتراب اللي وطيته في طريقك

ألثمك من واهج اللهفة وأشمّك
أنت ما أحلى من شهدْكْ إلاّ رحيقك

الدفى ما يجهله صدر يضمّك
و الظماء ما يعرفه من ذاق ريقك

......

كل ما سجيت جابت طاريك الهبوب
لاسلى قلبي من الحزن وعيوني بعد

جعل ماجاني من الحزن كفارة ذنوب
وياجعل ربي يبشرني يوم بالسعد

......

ماهو ضروري كل حاجه لها اسباب
مرات تكره شيء من دون سبه

والصمت ماعمره فتح للغلا باب
اللي تحبه قله انك تـحـبـه

......

عيونك ليا هام البصر في حورها تاه
نواعس تقول إنها من الخمر مسقيّة

لك الحق تِدْلّل وقلبك عليّ رْضاه
عليك الدلال وللجمال الأحقيّة

......

انا ادري لو يطاول يقيني مكانة لوّ
ابموت ما عاون رشا الذاكرة دلوَه

يقول الزمان اضحك و انا اقول هذا هوّ
ايساوم احلامي على الكيل و الملوَه

تركته يخآيل دمع عيني مخآيل نوّ
و تخلويت و علاج المعيفين فـ الخلوَه

بعد قال عقلي عش حياتك و عمرك توّ
الايام مهما درهمت للفقر حلوَه

......

‏جعلني ما أندم على شي تركته
‏والله يجعلها مع الأيام خيره

‏وجعلني لا تبت عن شي وخسرته
‏يرزق الله خاطري في شي غيره

......

‏كتبت لي جملة على شاطيئ الشوق
وعبرت فيها عن مضامين شوقي

يوم احتضنها موج الانظار عن ذوق
واستلهمت احساس فكري وذوقي

اخذت لي مع سجة البال طاروق
وغنيت لحن استاحشت به عروقي

......