فوق هام السحب ( الشعر الشعبي) على متن القوافي

‏تراني طالب القهوة بلا سكّر
دخيلك هات لي صوتك يحليها

ابسمع لو صباح الخير واسكر
قبل لا تبرد القهوة واخليها

......

الطيب فطره والشجاعه من الله
‏والمرجله ماهي بمنصب ولا مال

‏والعاقل اللي كاف خيره وشره
‏ماهو مثل طبع الردي القيل والقال

......

‏أشغلتني ماعاد أدري وين انا رايح
ضيعت دربي وغيرت إتجاهاتي

لعبتني لعبة المزمار و الرايح
أروح وأرجع ولا هديت خطواتي

حتى هواي أختلط في عطرك الفايح
وأدمنت عطرك بروحاتي وجياتي

......

ياحي من جاني وفي عينه الشوق
ياحـي منطـوقـه وياحـي شـوفه

الغالي اللـي بالغَـلا منزله فوق
كل المشاعر فـي حضوره شغوفه

......

‏غلاك فطره وحبك شي من حالي
والشوق يمك ياروح الروح يدفعني

انت اول الناس يوم اصحى على بالي
وانت اخر انسان قبل انام في عيني

......

‏بعض البشر اجمل من الشعر و البوح
واجـمل مـن الوان الرسـم و المعاني

بعض البشـر ترد في نبضك الروح
مـن تبتسـم لك يبتـدى عمـر ثانـي

......

‏الله عطاني حب ناسٍ قريبين
وناسٍ على قلبي بعيدين واقراب

نمشي على حد السنين بطريقين
مابين فرقى وقرب حنا والاحباب

......

‏احيان ابوح وداخلي روح شاعر
‏واحيان شاعر بس خالي من الروح

‏ماني من اللي يجرحون المشاعر
‏حتى ولو قلبي من الكل مجروح

......

‏عساي ما اثقّل على قلب مخلوق
‏ولا اسـوّي ما يسـبّـب عـتــابه
‏.
‏انا احـب الذوق وادوّر الذوق
‏عند التعامل والحكي والكتابه

......

تدري وش اللي يقهر بـ عالم الشوق
إذا عطيت القلب*لـ*إنسان جاحد

لايحفظ إحساسك ولايعرف الذوق
يختار عشره ووأنت مختار واحد

......