فوق هام السحب ( الشعر الشعبي) على متن القوافي

‏إن شفتك مبادر على الوصل للحين
‏شرّعت لك بيبان صدري هلا بك

‏و إن شفتك مقفّي بـدرب المقفّين
‏اِشره علي إن جيت طقّيت بابك

......

سلامي على المتحكمه بـ زعلي و رضاي
‏و على الغره اللي طوّقتني على غره

‏و لا هان عودٍ شوفته تطلق محيّاي
‏نسيم الهبوب يداعبه كل ما مره

......

كن شوق الأماكن يوم غنّى ابو نوره
‏ايقظ الجرح في قلبي وينزف وريده

‏جيت فرصة عمر وسط الضمير معموره
كل طاري يجيبك لي فرصة سعيده

......

صباح الرضا والستر والحب والتقدير
‏صباح اليقــين برحمـــة الله وغفرانه

‏على حسن تدبير أكرم الأكرمين نسير
‏والارزاق بأمــره والتـــوافيق سبحانه

بقلمي

علّـــم اللـــي كل يـــومٍ يدور له رفيق
‏الرفاقه ماهي بـ عقـد شهري واشتراك

‏لي رفيقٍ لا ذكرته وصـــدري مستضيق
‏ابتسمت وقلت للضيق هات اللي وراك

الحمدان ....

‏ﺁﻟﻠـﻲ ﻳﻬـﻴﻦ ﺁﻟﻨــﺎﺱ ﻵﺑـﺪ ﻳﻨﻬــﺂﻥ
‏ﻣﻬﻤـا ﻋﻠﻰ ﺑﻴـﻦ ﺁﻟﺨـﻶﻳﻖ ﻣﻘــﺂﻣﻪ

‏ﻓﻲ ﻣﻌﺠﻢ ﺍﻷﺣﺮﺁﺭ ﺗﻌﺮﻳﻒ ﺍﻵﻧﺴﺎﻥ
‏ﮔاﺋﻦ ﻳﻤﻮت ﺁﻥ ﻣا ﺗﻨﻔـﺲ ﮔﺮﺍﻣــﻪ

......

‏ِعُمـر الشكـل ما زاد قدر الرياجيل
‏الرجـل بـ أخـــلاقه وطيبه وثـقْلـه

‏كم واحدٍ بالشكْل يفرق عن الجيل
‏و أخف من ريش العصافــير عقْله

ذائقة

‏يـا مالك الملك يَارحمٰن سبحانك
‏لـِي خمس دعوُات يا ربي تحققّها
‏
‏جودك وسـترك وعافيتك وغفرانك
‏والخامسة روحـي مـن النار تعتقها

......

‏ياللي عيونك وساع وخدك يشع نور
‏قلبي يحبّك لو انك لا نشدته جحد
‏
‏دورت فيك التواضع بس شفت الغرور
‏اللي مخليك ما ترخي عيونك لـ احد
‏
‏ليتك على عيونك اللي كنها عيون حُور
‏ثلاث مرات تقرا قل هو الله احد

......

‏القلوب اللي على الفطره تودك
‏إزرع الخيرات والمعروف فيها

‏والقلوب اللي على الصعبه تحدك
‏لا تـخاويـها ولا تـشـره عـلـيـهـا

......