اخترنا لكم

أستغـل العمـر لاياصـل مـداه
وانت تشتم في الزمن وتعاتبه

فـي النهـايه من ملـذات الحياه
ما انت ماخذ شي ما الله كاتبـه

.....

لا تفتّش فالصدور ولا تتبع كل عله
كل قلب وله ميول وكل عقلً واتجاهه

ولا تكلّف في قبولك والقبول اللي من الله
ما تجيبه بالفلوس و لا تجيبه بالوجاهه

.....

والله إن كل الهبايب والنسانيس العليلة
ماتعرف تهبّ من كل الجهات ألا جهتها

والعيون إللي ماشدّ أنظارها برق المخيلة
ماتحب من الدروب إلا الدروب إللي مشتها

.....

اضحك وسولف وابتسم للمخاليـق
وخـل الامـل بيـن العيـون وهـدبهـا

دنيـاك ما تسـوا يجي داخلك ضيـق
وايامـك اللـي مـاضيـه لا تحسبهــا

.....

يالله طلبتك من كثير الدعاء ثنتين
حياةٍ بعز وموتةٍ بعدها الجنة

آمين

السعة هي غاية النفس مامعها خشير
‏ماخذٍ جوي لحالي وعايشٍ في فضاي

.....

عزيمتي ‌مايحطمها الزمان ‌الشحوح
والشّمس ‌بكره ‌رُغم أنف ‌الدجى ‌شارقه

ما دام فيني نفس ذرى وفيني جموح
بابٍ وراه اعتزازي طارقه طارقه

.....

مابه ثبات ألا على انقاض الشتات
والأحلام لذتها قبل توصل لهـا

واجمل من الإحساس من بعد الصلاة
أحساسك اللي قال قبله صلها

.....

ياعظيمه وانتي الاشياء الجديده والقديمه
وانتي اللي لو تصد الارض ماصديت عنها

وانتي اعجوبة زمان الشاعر اللي هل ديمه
وارتوت جدب القصايد لين صح الله بدنها

.....

ترى غناة النفس هي أصدق غناه
وترى جمال الشي مـا قل ونــدر

وترى التغافل أكثر أوصاف الدهاه
وترى الذكي هو أغلب العالم حـذر

.....