فوق هام السحب ( الشعر الشعبي) على متن القوافي

توقعت الغياب ولا توقعته بدون أسباب
‏وعدتيني زمانك ما يغيّرك وتغيرتي

‏غريب اللي لحقني منك واللي زاده استغراب
‏على كثر الظروف اللي تعذرك ما تعذرتي

‏نسيتي حبّنا ولّا نسيتي نظرة الإعجاب
‏تذكرتي زمان الطيش ولّا ما تذكرتي

‏تقولين الديار بعيد واقول القلوب إقراب
‏يسافر لك خيالي وين ما رحتي وسافرتي

‏انا ما اقابلك مرتاب ليه اقابلك مرتاب
‏طريقي واضح ومبداي ثابت واعرف آخرتي

‏اطير من الفرح ودموعي تحوّل من المرقاب
‏واشوفك ساكته ما طاحت دموعك ولا طرتي

‏عطيتك كثر ما شالت يدين الكادحين اتعاب
‏وسامحتك كثر ما خنتي العشرة وقصّرتي

‏وحبيتك كثر ما بكّت الغربه عيون أغراب
‏واحبك فوق ما تتخيلين وما تصورتي

‏يا كم شبّو لك الدنيا وكم شبّو معك شيّاب
‏ويا كم قلب عنّيتي ويا كم عين سهّرتي

‏تلدّين العيون وتسرقين القلب والالباب
‏ياليتك يوم قالوا لك كبرتي ما تكبرتي

‏ابطلع من حياتك بسّ دلّيني طريق الباب
‏بعد ما جارت الدنيا علي وقطّعت كرتي

......

لمع ضوّ القمر واثره عكس نور الضياء وطل
‏علي اجمل من اللي شفته بنوره ولا ادري كيف

‏اثر جفنه على رمشه جفير وسلّته لا سل
‏يذكرني بفتوحات وحكايا مالها توصيف

‏عجزت ألقى لمثلي حل من عنده لمثلي حل
‏ويفتي لي على النظرة فتاوي تقبل التحريف

‏انا ذاك الوحيد اللي عشق له في حياته ظل
‏وانا ذاك الوحيد اللي حلم بإنّه يعانق طيف

......

‏وقفت مع نفسي كثير و تحيرت
‏ماعاد احس ان فيه حاجه مثيره

‏الوقت متغير او انا تغيرت
‏احس ماتت فيني اشيا كثيره

......

لا تلومني لا جيت كلي من أقصاي
مافيـه غيرك لا تضايقت جيتـه

جيتك ولا غيرك ذكرته بمسـراي
جيتك وكل إنسان غيرك نسيتـه

جيتك وأنا ماني بـ أنا تايه الـراي
جيتك وأنا مدري وش اللي بغيته

......

‏عن الاعترافات بـ هزيمه الحب

سعود مبارك :
أنهزمت وقلت أحبك وهذا أكبر دليل
ما يهزم أكابر القوم غير قلوبها

جابر النشيرا :
أطيح طيحة قوي ماهي بـ طيحة ضعيف
طيحة شجاعٍ هزمه الحب لين أعترف

سعود مهدي :
معك عشت أول هزيمة بطعم الإنتصار
والعيون تشوف ضحكتك ضمن حقوقها

‏لا تطري الحب و يضيق المكان الرحيب
‏ولا تسرق إعجابي بطبعك ولامواخذه
‏⠀
‏أخاف لا اعشق تفاصيلك و اشوفك حبيب
‏و احطّ قلبي على كفّي ولا تاخذه

......

بعض الرسائل خطها ينعش الروح
لاجات من غالي وقلبك يوده

تشفي عليل النفس ان كان مجروح
وتخلي اوقاته رخاء بعد شده

ترى الغلا ما بين الاثنين مسموح
ما احد تحكم في فؤاده بيده

......

خاطري ماهو بـ طيب ولا مرتاح بال
و العرب معاد لي شفٍ في منطوقها
⠀
أتظاهر بـ السعاده و أقُول الحال عال
والا أنا ضايقٍ و الأخلاق طايح سوقها

......

الله على جـو الغلا والمحـبـه
لاصار صافي بين غالي وغالي

تعال يا نبض الغلا وانت طـبـه
لك منزل في داخل الروح عالي

......

من حـقـها ترقص وخطوتها غـرور
ماهي بحي الله فرس مـن زيـنـهـا

مهره على التصفيق تلعب للحضور
تلعب غرور ولا ملى احـدً عـيـنـهـا

......