فوق هام السحب ( الشعر الشعبي) على متن القوافي

سرى الليل وعيون المولع على الجوال
يراقب ظهوّر الصاحب اللي على باله

يخاطب نجوم الليل لامن ليله طال
لعل النجوم تطمن القلب عن حاله

......

الغلا اللي تبيّن قيمته بالوجيه
هو وقود الحياه ومصدر إلهامها

اشهد ان لك غلا لو اكتبه واحكيه
بح صوت الحروف وجفّت أقلامها

......

جذبتني بالحب واعجبت ذوقي
وثورت بركان المشاعر والاشواق

وانا ليا حبيت صعبه افوقي
قلبي واعرفه زين لا حب مافاق

......

شيخة غلا قمّة حلا طيّبة ساس
ومعــرّبه ما بيــن عمك وخـالك

بقول لك كلمه من الراس للراس
نـذرٍ علي انّي احبك لـ حـالك

......

احسدوني عليك و ضيقوا صدري
وكل ما جيت ابيك عيونهم صوبي

تدري اني عشقتك و انت ما تدري
صعب ذوقي و حصلتك على ذوقي

......

ترتوي بك روح و عيون و ضلوع
كن صوتتك لأجمل اشيائي حياه

ايـه مـالـي عـن دفــا حـبـك رجــوع
وانتي مالك غير قلبي يا دفــاه

......

بنت الدلع بنت الغنج بنت الدلال
عضت شفايفها وسوت حبتين

اسج رجلي من يمين ومن شمال
حسبي عليها ما عرفت أروح وين

......

يا منبع الرقة و يا منبع ألزين
أنتي الأميره و البنات الجواري

يا ويل حالي كل ما قلتي أنزين
كني ملكت الكون بحر وصحاري

......

سلطانة الغيد يامجنونة افكاري
ولهان لعيون تذبحني بنظرتها

انتي هواي ومكانك داخل اشعاري
بالحب انتي الفضيله يامروتها

......

‏جالس لحالي على مركاي متمركي
‏أراجع اللي مضى وأبكيه وأفتكره

‏ما غير أردد قصيدة متعب التركي
‏توديع الأحباب مثل الموت له سكره

......