اخترنا لكم

‏ياماحلا لاصار بالجو براق
‏برقه حقوق ٍ والرعد مردف له

‏يضوي ونور البرق للعين سراق
‏ياسعد منهو خايله في محله

‏مرواح خير ٍ بارقه يرهق ارهاق
‏يالله عسى بالخير وبله يهله

‏يروي ديار سدير والسيل ينساق
‏بامر الولي الواحد اللي نجله

‏محمد بن محارب

سليت قلبي ياسلا القلب والروح
للمه كلامك يجعل القلب سالي

حتا ولو جيتك معذب ومجروح
بضحكتك انـسا تعب من ليالي

واش با تردي لو لك القلب مفتوح
ولو عرفت انك على القلب غالي

هل باتقل. قلبي لعيناك مسموح
او باتزيد من الغلا والتــــعالي

ياذي رياحك مثلما العطر بتفوح
واجمل من انوار القمر والهلالي

خط الامل ما بيننا سار مفتوح
والبال في ذكرك يزيد انشغالي

على الوفا والعهدما يوم باروح
يامن حلاتك فايقه كل حالي

....

احبك يا اريش العينين واعشق جوك العاطر
ونفسي في هواك العذب والجذاب مسحوره

احبك ف الزمان اللي مضا واهواك ف الحاضر
واودك يا دواء قلبي من الآمه ودكتوره

انا في حبك المفتون انا المجنون انا الشاعر
انا روح الموده والجسد والصوت والصوره

انا في عشقك المخفي انا في حبك الضاهر
انا في ملعبك يا خلي الهداف والكوره

انا باشواقي المسجون وانت القفل والداير
حبست القلب باشواقك ونفسي فيك مأسوره

شعوري والمشاعر يكتسحها طيفك العابر
برغم ان الطرق للوصل بك للان محضوره

....

قال قهوتكم ذقتها حيل مرّه
وفنجالها ماهو بمثل الفناجيل

قلت الفخر في طعمها والمسره
وما عابها مرارة البن والهيل

....

الله يـمـسـيـكم علـــى ماتحبـون
‏والله يـقويكم لطـاعـته ورضـاه

‏ياجعل من عسرت مطاليبه تهون
‏وياجعل من له منوةٍ يلحـق مناه

آمين

هذا زعيم العرب رمز العدل والصلاح
‏فخر العروبة وقايدها وناموسها

‏على شداده ملوك الأرض تبغى السماح
‏ماعاد تقدر تجيب الراي من روسها

‏يامر بنزع السلاح وينزعون السلاح
‏ويامر بضبط النفوس وتضبط نفوسها

مشاري محمد

‏مشينـا على طيـب النوايــا ولا ندري
‏عسى الله يجازينـا على طيبـة النيــه

.....

أنا لا ارد بباب قلبي عابرًا
أو كيف لو وقفوا به أحبابُ

محمد السعدي

ياعظيم الشان جملني وعني
لاتخلي النفس في حاله غليبه

اقرب الاصحاب في ضيقي تركني
يوم وضعي شان وضروفي صعيبه

مادروا بن الوفاء نبعي ومني
وعادتي مافلت الصاحب واسيبه

من بذل بي طيب جاه الطيب مثني
ومن غدر بي قلت له ربي حسيبه

والشدايد خضتها من صغر سني
مانكسر قلبي وماجاء النفس خيبه

ابو حسين الوايلي

سلامي على الي ماتغير مع لوضاع
سنافي على كل المواجب ونفاعي

ويبقى الكفو كفون ولو الزمن خداع
يمينه بفعل الجود عاطي ومتراعي

رجال الوفاء تعطي وعاد الزمن بصاع
تطول الجمايل في رغدها ولوجاعي

.....