اخترنا لكم

‏لاتـخـتبر صـبري على جـور فـرقاك
‏ولا تـخـتبر صـمتي على كـتم سـرك

‏انا الـذي قـدم لك العـمر لـرضـاك
‏وانا الـذي صــابر عـلى حـر جـمرك

.....

ماني بحاجة كلام يفك صدر الوعود
‏انا بحاجة فعل يسد حلق الكلام

.....

وأهجر قصور الذل لو هي من ذهب
وأسكن بيوت العز لو كانت من تراب

.....

يكثر ماني اعتذرلك فالظروف وبالسفر
وانا ادري ان ماكل مره خيرها في غيرها

جعل السنين فداك من سفر ليا غره سفر
وفداك حامل مسكها وفداك نافخ كيرها

....

انا على حطت يدك والله ماعندي جديد
اعاند ايامي بعد ماجاتني بعنادها

تبقى الرسايل الاوله اغلى واعز من الوريد
رسايلٍ من قبل روحك يختلف ميعادها

.....

من لايوردها مواريد الأبطال
يشرب من كفوف اليالي غبينه

.....

إن بغيت المواصل وإن بغيت الفراق
انا قد الأولى وأكبر من الثانية

.....

لا تحبّ الحياة أكثر من المفترض
ولا تخاف الفراق وكلّنا راحلين

....

‏حاولت ابيّض نيّتي واقابل الظُلم بسماح
‏والله يَعلَمُ خَائِنَة الْأَعْيُنِ ومَا تُخْفِي الصُّدُور

‏أزريت اصلّح غلطةٍ راحت واثاري العمر راح
‏كل ما اعتذرت يردّد الماضي ترا ما انت مْعذور

‏خلاص ابرخي قبضتي واترك شراعي للرياح
‏سلّمت اموري لـ اللي بأمره تساهيل الأمور

....

‏بعض العرب حبّه يوردك الجنون
‏ولا يوصّف له غلاه حكاك له

‏ما يقنعه وصف الغلا لو وش يكون
‏لو كل حرفٍ بالحرير يحاك له

‏الموت جاك و هو تقلبه الظنون
‏ولا لك إلا الصبر وش وداك له

‏إن قلت ضايق قال هونها تهون
‏ما يدري إن ضيقتك له وبكاك له

محمد بن فطيس