اخترنا لكم

‏بعض العرب روحه مثل دلة الكيف
‏فنجالها يشفي القلوب العليلة

....

‏لو اقول ان البحر مثل الهوى ماهوب قدي
‏ماقدرت اقول قلبي تاب واعرض عن دروبه

‏ولو اتوب من الذنوب اللي جنت الايام ضدي
‏ما قدرت اتوب عن ذنبٍ يعن القلب صوبه

‏كيف اتوبك يا اجمل ذنوبي وأوقف عند حدي
‏وانت ذنبٍ لا غفره الله ولا لي عنه توبه

....

عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

....

‏سمح خاطري واستثقل الصبر والمقعاد
‏لو انك الوحيد الفارع وصفوة الصفوه
‏ㅤ
‏مراحي جهاد ورجعتي لك عنا وجهاد
‏بدا غافل الايام يصحى من الغفوه
‏ㅤ
‏برود المشاعر شاخ بين القلوب وساد
‏ماعاد اعرفك بالشكل والاسم والحفوه

....

‏من علق أحلامه على المحبوب ماعاش بسرور
‏في يدينه يحد الخفوق لموتته ويقبّره

‏ثابت وتانيب الضمير يلف بالراس ويدور
‏و الليل لا حاوّل يلامس خاطري ماعبّره

‏ضحكت بوداعك ولا ادري من جهل ولا غرور
‏بس ادري ان نفّسي لـ لحظات الجفى متكبّره

....

‏يا مساء الورد والعود المسقا
ياسبب نوحي وشوقي وأحتراقي

ودي أبدع في المعاني وأتنقا
لين ما يبقى من الجزلات باقي

....

البغل مايسبق خيول ٍ أصليه
حتى ولو إنه يدرب بميدان

والنذل مايسعى لفعل الجميله
ولوكان يلقاها رخيصة بالاثمان

لأجله خبيث ولايحب الفضيله
في صورته إنسان والروح شيطان

أجل تبون الطيب يا أهل الرذيله
تبطون لين الثوم ينتج بريحان

....

ياليت ما عندي مشاعر ولا احساس
ولا قلب يتأثر بكسر الخواطر

من شان لاجتني مواجع من الناس
اصبر وعديها على طيب خاطر

لاكن خلق لي ربنا قلب حساس
فيه الوفا والطيب باطن وظاهر

ولكن فعول الناس صابته بالياس
والناس ما ترحم رقيق المشاعر

....

خسرت واجد في حياتي وتالمت
وعرفت اني دايم ابقى لحالي

غابو عن عيوني كثير وتعلمت
ان الزمن ماياخذ الاغوالي

....

‏لا تساومني وأنا أدري وأنت تدري
‏أني أعاف الجفى لكن ما أخافه

‏خابرٍ قدرك بصدري بس صدري
‏ما تعوّد يلحق المقفي حسافة

.....