فوق هام السحب ( الشعر الشعبي) على متن القوافي

الله يزيد الخير في ديره الخير
وعسى السحابه من وراها سحابه

غيم و مطر و اخبار خير وتباشير
يالله عسى دعواتنا مستجابه

......

لاتلبسين الخوف وأنتِ شجاعه
لو المواقف بعض الأحيان تنهاب

ولاتقبلين القل وأنتِ ..كثيرة
ولاتطلبين الحل وانتِ الأجابات

......

على تربيتنا كل جيلٍ يورث جيل
نشوف الحياه بكبرها مالها قيمه

اذا واسطتكم حبة الخشم والتطبيل
ترا واسطتنا عزة النفس والشِيمه

......

بين الصبر والصمت والخاطر الشين
‏ما قلت يا ليل العنا وش جرالي
‏
‏و من كثر صدماتي بناسٍ عزيزين
‏قمت أتحرى صدمتي من ظلالي

......

مافادني ياصاح كثر التنهات
قبلك بكيت من الحزن والمصايب

ياصاح لاتبكي على فايتن فات
عمر البكاء ياصاح مارد غايب

اللحظه اللي تحتريها ولاجات
هذا مقدر وللمقدر سبايب

......

ماعندي لـ كشف النـوايا مـرونة
من طاب فالجنة ومن خاب فالنار

أعــامل العــالم بمـا يظـهـرونـه
واترك خوافيهم لعـلّام الاســرار

.....

انا اشهد ان البعض ماله شبيهين
بافعاله اللي مثلما الطيب فاحت

غالي وحُبـــه حــل بين الشرايين
ومكانته وسط القلوب استباحت

......

يا لوعـتي من دهـري اللي بـلاني
وخلى فوادي جمرةٍ بين الاضلاع

أمشي ولا ادري وين همي رماني
كـني غريرٍ من يدي ميمته ضـاع

أقـول يا ربـعي وش اللي حـداني
على صروف الدهر والدهر لـوَّاع

......

لا تــتـرك الـهـذار يـاخـذ عـلـومك
يـحـط مـعـهـا مـثـلـهـا ويحـكيـها

واستر عن اصحاب الشماته ثلومك
تصـلاك مـنـهـم هرجـةٍ ما تـبـيـها

واحـذر تـجي راع الـردا في لـزومك
تـلـقى المـذلـه من يـده تـرتـويها

......

قدر مـقـام اللي يـقــدر مـقـامـك
واجـز الذي عاملك بالخيـر خيرين

وأحـذر تـنقص لـلـوفـي اهتمـامـك
مـا يجحد الـوافيـن غير الـردييـن

......