فوق هام السحب ( الشعر الشعبي) على متن القوافي

ياالله يلِّي من ترجـاك يعتاض
ياواحـدٍ ملـزوم نَتْبَعْ فروضه

يالله يارزاق ياخير عواض
لامِن بغيت العبد تاقف حظوظه

يامن شفيت أيوب من عقب الأمراض
تكتب لعبدك مارجاه ويعوضه

......

وش فيك ياصدر الشمالي تضايقت
والناس تضرب في سعتك المثايل

أفا ياصدري ضقت من جاير الوقت
خابرك ياصدري تشيل الثقايل

وش فيك علمني لك أيام مارقت
ضايق وفيك الهم صايل وجايل

......

‏التجاهل ما يعلّي لك مقام
والتغلّي ما يثبت لك وجـود

لذة الدنيا مواصل والسلام
والغرام يمـوت من كثر الصـدود

......

والله ما مثل التوكل على الله
يملا لك الدنيا سعاده وتوفيق

واللي يردد دايم استغفر الله
تلقاه مايدري عن الهم والضيق

ذائقة

‏يا الله توفقنا لـ طاعتك ورضاك
‏وتجعل لنا عفوك عن النار حاجب

‏يارب واجعلنا مدى العمر بـ حماك
‏عن الذنوب ولا نقصّر بـ واجب

؟؟

يارب وان ضاقت عليّ الوسيعه
‏انت الذي لا ضاق صدري اناجيه

‏وعبدك لو ان الوقت عيّا يطيعه
‏ما ينحني راسه لغيرك ويرجيه

؟؟

سجدت لـ اللي له الثنتين والمنّه
‏وبداخلي من مطاليب العمر واجد

‏ولا طلبته سوا الفردوس والجنه
‏طاحت من عيوني الدنيا وانا ساجد

بقلمي

صَفْ النوايا واترك الهرج للناس
الناس محد ٍ سالم ٍ من احـكاها

بعض الهروج اللّي تجي مالها ساس
تتعـبك لافـتّشت فـي محـتواهـا

لَـ تصير في بعض المواقيف حسّاس
الناس يبلـش مـن يـدَوّر رضـاها

......

‏لا صرت ماتمشي مع الناس محتاج
‏ولا جاك في بيتك من الناس ديان

‏ولا شلت في جيبك مواعيد وعلاج
‏هذي غناةٍ ما تقدر بالأثمان

...

حيل الله أقوى وش حنا مسوين
غير العلوم الطيبه فالقرابه

عزالله إنا للجماله حريصين
وإن هب ريح الطيب حنا هبابه

....