فوق هام السحب ( الشعر الشعبي) على متن القوافي

أَحْفَظ لساني عن يقول ويقولـون
لا احرجـت خلق الله ولايحرجـوني

مالي ومـال الناس واللّي يسَـوُون
وشْ لي بْكَسب ذنـوبها والظنوني

اخطيت واخطي والمخاليق يخطـون
وكثر التجارب والبشر علموني

....

عـيّت تزين ظروف الأقدار وياي
وان جيت ازيّنهــا بـ عـيني تشيني

حلمي ذبل من كثر ماتاهت خطاي
وطعـم الأسى واليآس بيـّح كنيني

ليت الزمن جاني على كيف مشهاي
ماكان ضاعت فرصي من يديني

....

إن سـكنت البعـد تبقى بالعيون
وان غديت اسـرار بعيـوني تبين

وان ملكت البال واشغلته تمون
وان تجـاهلت الغـلا تبقى ثمين

أنت شفي والسعاده والسـكون
والحبيب اللي مزاجي بك يـزين

....

عنّز على اللي قيمته ما تحدرك
وان جا مجاله قالو الناس رجال

والراي لا تعطيه من لا يشاورك
مالك وماله لا شكى لك ولا قال

....

‏كل الخساير عوضها عند رب الانام
واكبر خسارات خلق الله كراماتها

واهانة النفس عيب انكان ماهي حرام
وطرد المقفي علامه من علاماتها

....

يالله دخيلك من طعون المناقيد
ومن غلطة العاقل وقل المروّه

ومن كلمةٍ تفهم على غير ماريد
يمسك طرفها منْك خبلٍ مفوّه

....

لا تترك الحزن يستحوذ على قلبي
خـل المشاعر تـزور القلب وتحبه

لا صرت تدري بآحآسيسي وفي حبي
حرام تترك فؤآدي وانت ساكن به

....

مذكور بالخير ياشخصــن تمنيته
لو كان مايسمع الداعي ولا يوحي

انت اخر انسان في دنياي حبيته
وانت اول انسان بديته على روحي

....

يسعد صباحك عاد وش له النوم
النوم ماهو للحبايب ي خلي

الشوق جاك يصافحك ي آلغلا قوم
صحصح فديتك ي بعد كل غالي

....

‏الحظ سيف و ضربته في حيآتين
آمـآ تـعيش بـ عــز والا مـذله

يآوقت حنآ ضيوف فتره ومآشين
آرفـق وسيـفك بـ آلـردى لاتـسله

....