فوق هام السحب ( الشعر الشعبي) على متن القوافي

‏القلب مايمشي على وِد راعيه
حاولت أغصبه لـ المحبّه وعيّا

للحين يذكر شخص قفّى وناسيه
يبغى وصاله والوصل ما تهيّا

....

كثر الكلام يحط من قدر راعيه
والصمت له عاده يصون الكرامه

سلم على اللي ماتخونه معانيه
عن الخطأ والهزل ينقى كلامه

....

‏يطيح واقف راعي الطيب لو طاح
‏طيبه رصيده فالشدايد يشيله

‏يموت راع الطيب والطيب ماراح
‏يبقى مع الأجيال لو راح جيله

....

قربك من آلطيّـب لنفسك كرآمـه
‏وبعدك عن آللي مآ يودّك شرف لك

‏مآلك و مآل آهل آلحسد و آلرخامه
‏خلـك مـع آللي لآ نصيته وقـف لـك

....

تبي تشرف من تربى ورباك
ثلاث لاتسمع ولاتطيع فيـها

كرامتك ضميرك الحي ومبداك
ماتقدر اليا بعتها تشـتريها

....

‏رفقتك مثل الذهب بالهون والشده
‏ماتختلف .. بإختلاف العالم الحآلي

‏غيرك إليا غاب ما حسبه و لاعده
‏وإلا إنت غير البشر دايم على بالي

....

ارفع يدينك ومافي خاطرك قوله
‏من رحمة الله لا تيأس ولا تقلق

‏لا شفت قدامك البيبان مقفوله
‏بيبان ربي كريم الوجه ما تغلق

بقلمي

شيـهانـة فـوق وكـر الشياهين
مثل النداوي مانزل دون وكره

أحلامـهـا مابيـن بكره وبعدين
ترسم بقايا الامس لـ حلام بكره

....

‏الود نعمة والتواصل براهين
‏واجب تواصل كل شخصٍ تودّه

‏وان كان في الزحمة تضيع العناوين
‏يا طير خذ مني سلامي وودّه

....

صباحك انا واطيـاب عـــوده وفله
تطــري عليـــك وتنتثر ورد وازهار

يا اللي غلاك استوطن القلب كله
وخذ شعوري والمشاعر والاشعار

ياطيـر خـــذ مرسـول قلبي وشله
واعبـر بشعـري للذي قلبي اختار

....