اخترنا لكم

بيني وبينك تشرق الشمس وتغيب
ولو يفرق التوقيت ما يفرق غلاك

ولو غنت الفرقا على لحن النصيب
ماسارت اقدامي على سكة جفاك

معك معك لو انك لغيري حبيب
قدامك دروب القدر وأنا وراك

وراك والدنيا تجيب اللي تجيب
في ذمتي ما يرضي الخاطر سواك

....

‏نمشي علـى حـكم الزمن غصب عنا
ونقول ياقلـب العنا الف لاباس

حتــى ولو بالقلـب سـهم طعنا
نضحك ونخفي كل جرح عن الناس

....

‏ياالله طلبتك ياكريم ويارحيـم وياعظيم
‏ياواحَّـدنً بيديـنه أرزاق الخلايـَّق كُـلـها

‏يارب ترحمنا وتهدينا الصَّراط المستقيم
‏وتكـتب لنـا الجنه وننعم ياكريـم بظلها

آمين

‏ياللي تبي راحــة بدنك وضميرك
‏عن جملة العربـان خلك حيادي

‏لا صــار ما يـدري بخافيك غيرك
‏مبسوط لو انك عن الدرب غادي

....

‏مستعد أعطيك لو تطــلب عيــوني
‏ما لي أغلى من نظر عيني سواك

‏لو جميع النــاس من حبك جفوني
‏يكفي انك مخلص لي في هــــواك

....

احيان اقول واكتب بذوقي احساس
‏ماهوب شرط انــــي اعانيه واعنيه

‏اكتب على شان المغربل من الناس
‏لا شاف حرفي يلتفت فـــي معانيه

....

‏عليك باللـــي يلحق القول بأفعال
‏وإلا الـــردي خلـــه وجنــب مساره

‏انشهد إنه ماكـــذب واحـــدن قال
‏من لايعــــــدك ربح عـــده خسارة

....

يا عزة النفس معروفك على راسي
‏جمايلك من قديم الوقت خابرها

....

‏يسعد مساء اللي يحبون الاشعار
ويسعد مساء اللي معانا متابع

وحي الله الوافي وحي الله الجار
اللي لهم في عالم القاف طابع

بقلمي

اكذب عليك ان قلتلك لاتروحين
لني ما أملك غير فكر ومشاعر

اذَا بغيتي في حياتك تحبين
حبي ولاكن لا تحبين شاعر

....