فوق هام السحب ( الشعر الشعبي) على متن القوافي

مجالسٍ تنصى لحاجات الاجواد
‏ومجالسٍ ماغير قهوه وشاهي

‏ولو القضيه بس دله وبرّاد
‏تكفي عن بيوت الرجال المقاهي

....

خــايف يـطول الـبعـد وتسج مـني
وياخذ مكانك شخص ماهو بيسواك

وش عاد اسوي يومك اقفيت عني
لا انا اتبع المقفي ولا احب فرقاك

....

‏مايدوم الحب لاصار به قل أهتمام
‏يـا تزيده بـ المواصـيــل ولا فكني
‏
‏لاتقول أني أحبك ترا سهل الكلام
‏حبني مـــن قلب ولاّ لاعاد تحبني

....

‏سبحان من يعطي قبول المخاليق
‏وسبحان من يفرق عطا عبد عن عبد

‏بعض الاوادم شوفها يجلي الضيق
‏وبعض الاوادم شوفها يدبل الكبد

....

ليت ذعذاع الهوى الغربي يجنب دربي
‏في بعض الاحيان ولا بعضها ياطيبه

‏يامخاشرني معي في زادي وفي شربي
‏لا تعودني على بعدك وانا مالي به

‏كل ماسجيت من حبك غلاك افجَر بي
‏اه من حبٍ جميع الذكريات تجيبه

....

لو خاب ضني بالزمن والمخاليق
ما خاب ضني في جزيل العطيه

نصبرعلى الدنياء ونصبرعلى الظيق
وعـزومنـا مـن فـظـل ربي قـويـه

....

لو المراجل بـ الذهب نشتريـها
يدفـع ثمنها كارهـين الرخامـه

والنـاس مربـاها على والديـها
أما تـربـى صـقـر ولا حمـامـه

....

‏تضيق بـ امر الله و بـ امر الله تزين
ما فيه مدخالٍ على غير مخراج

لا اعطاك من له حاجةٍ فيك بعدين
سبحان من يعطي ولا هو بـ محتاج

....

عسى لي اثر طيب ومواقف وذكرى خير
‏ونـفـسٍ تنول اللي تمناه ياربي

‏ولا تبتليـني بالسعي في نصيب الغير
‏ولا تـضيّـع سـنيـني وانا ادور لطـبي

‏وهـب لي بصيره ما توردني التقصير
‏تميز قلوب النـاس في كرهي وحـبي

‏ونورني اشوف الحقيقه مثل ما تصيـر
‏انا اشوف الاشياء مثل ما يشتهي قلبي

....

ربتني الدنيا على الحمد لله
‏عندي يقين و عنده الامر كله

‏على الطريق اللي عيوبه مزاياه
‏ماكنت اعقد الحبل عشان احله

‏ياما رميت الحزن لـلا مبالاه
‏و ياما صنعت الضحكة المسفهله

‏دليلي ان الحظ لا ضاع ابلقاه
‏احساس و الاحساس سيد الادله

....