اخترنا لكم

مرحبا ياباشة الغيد والحب العتيق
فتنة عيون المتيم و ياغلى من يطل

وجهك اللي كن تشعشاع نوره من بريق
القمر نص الشهر من على قمة مطل

كيف ينجا اللي وقع في بحر حبك غريق
والسماء من وين ما يهطل الشوق يهطل

من شرب من خمرة الحب مره ما يفيق
لين حتى يورد الموت ميراد البطل

....

صغار الجمايّل في عيون الكبار كبار
‏وكبار الجمايّل في الرديِّين مجحودة

....

باقي على عيد الاضحى عدّة أيام
ياللي غرامك داخل القلب بارك

كل عام وأنت بخير ياخير كل عام
ياعيد قلبي جعل عيدك مبارك

....

حبه بروحي وفي نفسي وفي دمي
‏هو بدر ليلي وهو في شمسي ظلالي
‏
‏أنا احمد الله غدا سيد العرب قسمي
‏من يوم شفته وانا طير السعد فالي

خالد الفيصل

ياوجد حالي وجد من مات غاليه
عاش الزمن ماله سوا ذكرياته

لا أقبل عليه الليل ثارت طواريه
وهموم قلبه من عنا الوقت جاته

....

‏يالله بصبحٍ فوق نوره فيه للمحتاج نور
‏تمشي به أقدام العباد ولاتضيّق دروبها

....

خلڪ سموح وخل وقلبڪ غناوي
واللي يروح يعوض الله بداله

....

سلم على اللي يقول انه على ما يرام
ويضحك لو ان الليالي زقمها ملتوي

....

لا تسير علي مسيار عابر سبيل
وأنت بين الضلوع العوج راعي محل

....

مو كل من يسكت عن الحق خوّاف
‏أحيان نسكت لجل ماضي جمعنا

....