فوق هام السحب ( الشعر الشعبي) على متن القوافي

احبها صح بس احبها باحترام
حتى من النفس صاينها ما ضريتها

كتبت فيها البيوت اللي بعضها حرام
وانا علي الحرام اني ما مسيّتها

اطهر من الغيث لا وطاه بطن الغمام
وانقى من انقى هناديبي لا غنيتها

....

لاعاد تنشـدني عـن العمـر ياعيد
الـشكـل مايعطيـك تقـريـر عنـي

خلتني ظروف الزمن والتجاعيد
اكبـر من الـسـن الحقيقي لـسني

....

رحت منه لا سلام ولا كلام
خايفه نفسه و نفسي خايفه

و راح مني في عتيم و في ظلام
روحَة اللي راح ماني شايفه

ليله ما هي على صدري وسام
ليلةٍ ما هي بـ ليلةٍ كايفه

افترقنا عاد في عينه غرام
و الغرام اللي لـ غيره عايفه

....

إتركيني بين الأحلام أنا أحب الخيال
الخيال أحلا من الواقع الواقع مرير

جيت أقاتل و إنقتلت أوّل أيام القتال
دايم أوّل ثوره تثور فـ الراس الكبير

....

الله يمسي صادق القلب بالخير
صدره نظيف وكل حكيه صراحه

اهل النفوس الصافيه قربهم غير
متبادلين الطيب في كل راحه

بقلمي

رفّ الهدب وإنحنى راس القصيد وطمن
وجتني حَوَرها مدار ووجنتيها سنا

بنتٍ تزيد القلايد في نحرها ثمن
وشلون ترخص ملامح وجهها للعنا

كانت بعيد أمنياتي لين قالت تمن
وتقرّب الحلم من كفّ السنين ودنا

قلت أصبري لين أخلّد طلّتك بالزمن
وجهك خِلق للقصايد ماخِلق للفنا

....

‏ماقلت لك عمر سيف العشق مايقتلك
‏ماتشوفني حي قدامك وانا اموت فيك

‏اشتقت لك قبل اجيك وجيت واشتقتلك
‏البارحه طول ليلي بين هذي وذيك

‏مليت جمر انتظارك واستحيت اسالك
‏وحسبتني مابعد جيتك وفكرت اجيك

‏اثرك بقلبي من البارح وانا استعجلك
‏واثري نسيتك من الفرحه وقمت احتريك

....

‏مثل ماترقّب راعي الطير شوف سهيل
‏ترقّبت شوف سهيل قلبي ومرباعه

‏يقولون لاجاء سهيل لاتامنون السيل
‏وانا روض قلبي مبطي السيل من قاعه

....

الرسوم الناعمه والجمره المعسوله
والرموش الفارسيه والعيون الخدّر

والخدود اللي من ألوان الغسق مغسوله
والجبين اللي مثل ضي البدر لا بدّر

من بيوت المشيخه والرايه المحموله
والأصايل ما تحب إلا الحرار الندّر

....

اصـبـر عـلى اصحـابك ولابـد الايـام
تكشف لك الطيب ومتظاهر الطيب

موعـدك ويـاهـم عـلى الدرب قدام
لاتسبق الاحـداث مـاتـعـلم الغيب

اليا حصـلك فـالـزمـن شــدة حـزام
تكشف لك الشده جميع العذاريب

وقـت الرخى ماهـو مجـال للأحكام
سـواد لـيـلٍ ظـلـمتـه تستر العيب

ذائقة