اخترنا لكم

ودي ارد قلبي بالغزل ياغزاله
لايسوي سوات اللي يهمّل رفيقه

الهوى لذّته في طيشه وفي هباله
ولذّة اول شعور وربكة اول دقيقه

وجهٍ اللي يشوفه ينبهر من جماله
وطلةٍ تجعل الرجال يشرغ بـ ريقه!

ودي امثل مثول المتهم للعداله
ماعلي دامني بين اليدين الرقيقه

العفو ياشبيه اللي جفل من ظلاله
نظرتي في التفاصيل الدقيقه دقيقه

انت حتى الذهب يزهاه جيدك لحاله
ويتلاشى على غيرك ويفقد بريقه

....

‏ترى يمرّ بصـــدر الانسان ضيقة
‏تأخذ بصدره يـوم يومين وتـروح

‏والمزح له وقت ومكان وطريـقة
‏بابه ماهو في كل الاوقات مفتوح

....

وداعاً والوداع اخر قرار ياخذه راعيه
وينهي قصة أحلامه من اولها لتاليها

عن كبار الحسايف والندم وجروح ليه و ليه
على الدنيا السلام بكل ما منها وما فيها

....

بتدرك مع الأيام بعد الوصل والصد
حصيلة شعور وحاجه تعتبر منها

ما دام الحياة الفانيه فانيه لا بد
فلا تعطي أوقاتك سوى من يثمنها

....

تجمّل مع العالم وخلك حسين أخلاق
جميلك هو اللي لامن أقفيت يبقى لك

....

‏ومن ظن فينا خير نوفي له الكيل
‏نجي على ظنه ومن فوقه ظنه

....

‏احذف كل اللي يسبب لك ازعاج
‏ولا تفكر في شعوره دقييقه

‏خل التخلي لك على طول منهاج
‏وشف كيف تصفى لك وجيه الخليقه

‏الناس مافيهم إذا باروا عـلاج
‏ومن لا يثّمن قيمتك في حريقه

....

إن كان أمك بوسط البيت ريـحتها
حافــظ عليها تراها ريحــــة الجنة

خلك مطيع وحــنون ولب حاجتها
يــــا جعل أمي وأمك تدخل الجنة

....

وتــرى حــــلاة البنت مستورة الحال
من طاعــــة اللـه والنبـــي مستزيدة

والستر ما هــو في عبايــة ولا شال
ولا هــي نصايــــح تنكتب بالجريدة

الستــــــر حفظ الـدين حلٍّ وترحال
دايـــــم علاقتهــــا مــع اللـه وطيدة

تحفــــظ وجيه رجـال وتربي رجـال
على المـــراجل والخصـــال الحميده

....

غديت أودع المقفي ولا أحب اسمع التبرير
اشوف ان التفاصيل الكثيره مالها

....