فوق هام السحب ( الشعر الشعبي) على متن القوافي

‏و تدور الأيام و أحلامي هي أحلامي
عزيمتي ثابتة و الوقت متغيّر

عديت خوفي ما دام الحلم قدامي
مسيّرٍ بالخفا و بالظاهر مخيّر

و عيونك السود كانت مصدر إلهامي
في ليلها كنت أشوف وصولي النيّر

وأنا صغيّر أراقب سرعة أيامي
واليوم ليت الزمن خلاني صغيّر

....

من صان حق الناس بالغيب صانوه
محفوظ لو هو كان غـايب مقامـه

ومـن هـان خلـق الله تعثر وهـانـوه*
لـو كـان شـيخ ومن سلايل زعامه

....

يالله يالي فزعتك تكشف الضيق
في بحر عفوك ماتضيق المراسي

انا في وجهك من قليل التوافيق
ومن موقفن مايرتفع فيه راسي

....

نكسب من الدنيا المخوه مع الجيد
والجيد مثلك له مكانة وعزة

أنت الخوي الي كما شامخ الحيد
ثابت مكانة ما العواصف تهزة

....

كل غالي بقلبي موقعه ما تغير
بالاخاء والمروه والوفاء كالذخيرة

ذكركم في فؤادي كل لحظة واكثر
فيكم أغلى الاخوة والقلوب المنيرة

....

الحال ما نشكيه عند المخاليق

و همومنا تكثر وهي داخليه

واليا خسرنا نطلب الله توافيق

ما ندور التعويض ولا العطيه

....

ترآ طبـوع الناس آنـواع وآشكال
عمر آلاصابع ماتساوت فآلآيدين

آحدن طبوعه تبري القلب وآلبآل
وحدن طبوعه فعلها تبكي آلعين

....

يا وليف الروح يا حلو الوصايف
‏يا بعد من شافت عيوني عيونه

‏ايه احبك غير عن كـل الولايف
‏حب صعب ان الاوادم يفهمونه

‏الغلا لك والمحبه وانت شايـف
‏كيف عذال الهوى منك مغبونه

‏وانا قبلك من دروب الحب عايف
‏لين شفتك واخلف الخاطر ظنونه

....

مايرخص إلا اللي تربى على الرخص
وأهل الفضيله يعشقون الفضيلـه

أحيان سبة شخص تترك كذا شخص
وأحيان سبّة شخْص تغلي قبيلـه

....

‏فتحت لك دربٍ عن الناس مسدود
‏ عازلك عنهم بالحنايا لحالك
‏
‏اما تجيني حب ما بعده صدود
‏والا تروح وجمل الله حالـك

....