فوق هام السحب ( الشعر الشعبي) على متن القوافي

تدور الليالي بس تبقى الرجال رجال
تغيب الاسامي والمواقف تعرفها

تشيل الحمول ولا تشوف الحمول ثقال
وطيب الرجال وفعلها اللي يشرفها

تجيني بيوت الشعر في مدحهم تختال
ثمينه مثل نقد الفلـوس بمصارفها


....

الوداع اللي يقولونه وداع الميت
لاحضنته قبل قبْره يحْرمك من شوفه
ِ
الفراق فراق من عنه المنيه عيّت
خل فرقا واحدٍ عيّت عليه ظروفه


....

الرفيق اللي نهار الضيق مامنه مسّـره
في الرخا جعله مهف مقيط مالي فيه حاجه

اتشـره ليـه لاجلـه لاحـرام مااتشّـره
التشره في رديين العرب نقص وسماجـه

....

يامعلم الناس علم نفسك وفدها
عاين عيوبك وخل عيوب خلق الله

من قبل ماتلتفت للناس تنقدها
حاول تنزّه من العذروب والخله


محسن تركي

المعاريف الكبيره لاحطت بالضعوف
أصبحت فعيون أهلها عذاب ومظلّمه

مايعومس كل طيّب وصنّاع أمعروف
غير لا حط المعاريف في بطن أرخمـه


خالد الشلاحي

تدري وش اللي يصدم النفس ويحز
واللي بخيبــات الهــقـــاوي يخــمك

اذا احتــزمت لـمـوقف الطيب والعز
ولـقـيــت عـــدوانــك بـه اولاد عــمك


غازي الشمراني

‏في حاجتك لابد من صرف الفلوس
في راحتك لابد من صرف الــنـظـر

إدارة اموالك تعـــلــمك الــدروس
إدارة افعالك تعــــلـمك الـصبر


فريد السحيمي

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

ماعلمك طول الغياب إني كبير
وإني على كثر إشتياقي ماأتبعك
َ
ماقلت لك قبل التمادي استخير
خل العناد اللي غدابك ينفعك

....

يامعشر اللي عمركم بالثلاثين
عن مجريات ايامكم طمنونا

هل عمرنا فـ اول شبابه وبادين
والا خلاص المجتمع ما يبونا

....