اخترنا لكم

‏يالله في عشر ذي الحجة
‏جـــودك وفضلك وغفرانك

‏وتجعل لــنا فالحشــر حجه
‏في ســـاعةٍ نرجي احســانك

آمين

تغانموا فعل الجمايل مع الناس
‏الناس صعبات الظروف اجرحتها

‏فعل الوفاء والخير فالناس نوماس
‏الطيب فوق الأرض ماهو تحتها

....

نسبة نجاحك على الدنيا وتوفيقك
‏على حسب قربك من الله وطاعاته

‏الله هو اللــي يفرج همّك وضيقك
‏ابذل جهودك لاجل حبه ومرضاته

....

‏حُب غيرك ماخذيتهَ بعين الاعتبار
‏شف صروحك من بعضها دسمها مغبّره
‏
‏وأنت وصلك لا بغيته رضيت بالانتحار
‏مع طريقٍ قبل ما أجزم عليه اسبّره
‏
‏ما سكنة الا بعضو معاليقهَ يسار
‏والظروف اللي تردّه هي اللي تصبّره
‏
‏ما بدا حُبك وحبّه بالأسم المستعار
‏وما تعثّر في أي شيٍ ماهوب يدبّره

....

‏الصدق راعيه عند الناس وجهه طليق
‏والكذب راعيه فعله فاضحه فاضحه

‏أللي تشوفه عدو واللي تشوفه صديق
‏فالضيق بتشوفهم بالصوره الواضحه

....

صيتنا من قديم الوقت سيلٍ نحاوي
‏سيرة الطيب واضحه ومحدٍ جهلها

‏بين عز الشموخ وبين طيب العزاوي
‏ما تليق المكارم غير والله بأهلها

....

‏شاور حكيمٍ بالزمن له تجارب
اللي بكل إخلاص يعطيك شوره

وابعد عن اللي في كلامه تضارب
يعطيك قول ولا صدق في شعوره

احدن برايه للحقيقه إيقارب
واحدن بعيد الراي ماشيف دوره

ولا هو صحيح ان الاقارب عقارب
كم واحدن طيب إيشرف حضوره

....

محتاج لك يارب في كل خطوه
ومحتاج للتوبه قبل قطع الأنفاس

خوفي من ذنوبي على حين هفوه
ومن زله لساني على درب الإفلاس

يارب

‏سمحنا وعفنا وانثنينا عقب الاقبال
‏وذي عادة لايمكن ان حن نخليها
‏ㅤ
‏إذا ما لقينا من هل الدار طيبة فال
‏نشوم ونخليها لمن هو سكن فيها

....

قالوا يدور الزمن وابطا الزمن ماستدار
‏والضحكة اللي خذاها الوقت ماجابها

....