فوق هام السحب ( الشعر الشعبي) على متن القوافي

نجد شامت لبو تركي وأخذها شيخنا
واخمرت عشاقها عقب لطم خشومها

لا بكت نجد العذية تهل دموعنا
بالهنادي قاصرين شوارب قومها

حنا هل العادات مخضبين سيفنا
والطيور الحامية جادعين لحومها

صعبة أفعالنا لابغاها غيرنا
وكلمة التوحيد حنا عمار رسومها

حنا هل العوجا نها الملاقى عيدنا
والجزيرة كلها مدبين قرومها

لابتي عوج المراكيض هذا سوقنا
بيعوا الارواح في الهوش باول رسومها

مرخصين ارقابنا لا زهمنا شيخنا
والقبايل كلها شيخنا قيدومها

في تواريخ العرب راسمين علومنا
وعادة الدنيا تزول وتدوم علومها



الشاعر الكبير فهد بن دحيم

فكـرت بالـدنيـا وشفـت الـتعـاجـيـب
نـعـيـمـهـا يـا حـمـود عـجـل زوالـه

يجـري فلكهـا مثـل جـري الدواليـب
وتفـتـل كمـا تـفـتـل سريع المحالـه ‏

لا تـأمـن الـدنـيـا تـقـلـّب تـقـالـيـــب
مـثـل السـراب الـلي يغـرك خـيـالـه

من عصر ابن كلثوم والزير وكليـب
ما ذكـر فيهـا الـلي زمانـه صفـالـه ‏

دنيـا الشقا ما خـلدت نـوح وشعيـب
والـرابح الـلي يصلح الـلـه اعـماله ‏

أن هرفـت تسقيك عـذب المشاريـب
وأن أقحطـت دنـيـاك تشرب حثالـه ‏

أن أقبلـت وأرهـت علينـا المطاليـب
درنـا بـهـا عـلـم الـفخـر والشكالـه ‏

وأن أدبرت عشنا بها عيشت الذيب
يـوم يـجـوع ويـوم يـشبـع عـيـالـه

نوبٍ بها يا حمود نقدر عـلى الطيب
وأحيان نغضي عن خطات الجماله‏

نخـاف تـأتي ساعـةٍ يـفـرغ الجـيـب
وتبـقـا ذراريـنا عـلى النـاس عالـه

ولابه على من ضامه الوقت تثريب
لا شك مـا يفيـد الرجـل غيـر مالـه

ومن لا صبر حاش الردا والعذاريب
ومـن دور الطولات يرخص حلاله

المعـترض تـكثـر عـليـه المـواجيـب
ولا كـل من لـه قصد يا حمود نالـه ‏

والـرجـل اليا مرت عليـه التجاريـب
أمـا يـحـوش الـنـعــم ولا الـرزالــه ‏

نـدور سـتـر الحـال عـنـد الأجانـيـب
والمستحي يتعـب عـلى ستر حالـه

الأجـنـبـي وده بـشـاشــه وتـرحـيب
مـلـزوم كـانـه جـاك تـكـرم قــبـالـه‏

يجـزع اليـا شاف الحواجب مقاطيب
ويـفـرح بـتـرحيـبـك ويـنسـر بـالـه

أكرم غـريب الدار تبعـد عن الـريـب
مـن لـفـوتـه حتى يحيـن ارتحـالـه ‏

ولا القـرابـه مـن حساب المعـازيـب
لـو ايـتـقـهـوى فـي محلـك بـيـالـه

الـواجـب أنــه مـا يـّدور بـك العـيب
يـروف بـالصاحب ويستـر خمـالـه

حـقـه اليـا جـتـه الـليـالـي شلاهـيب
يـوم الرجـل يزبـن عـوايـن رجـالـه

اليا عض بـه ياحمود حزم الكلاليب
بالضيـق والشـدات تـوقـف بـجـالـه ‏

لا بـد بـأمـر الـله تهـون المصاعيب
والـحـر نـفسـه مـا تطيـق الفضالـه

والرزق مـن مـد الولي عالـم الغيب
مكفـول مـن رب الخـلايـق كـفـالـه ‏

وصلوا عـلى اللي أدّب الكفر تأديب
المـصطـفـى نـّزل عـلـيـه الـرسـالـه ‏




عبدالله بن دهيمش بن ‏
عبار

‏

هات القلم والبوك يا مسندي جيـب
نـبغـي لأبـن عـبـار نكـتـب رسـالـه

قـال الـذي يـنظـم جـوابـه بترحيـب
عـذب المثايـل من ضميـره طـرالـه

سـلام يالمنعـور عطـب المضاريـب
يسـتـاهـل التـمجـيـد رجـل سـعـالـه

يالقرم أبو مشعل عدتـك العـذاريـب
طـيـّب وأديـب وثـم راعـي شكـالـه

أنـت الـذي بالطيب ترقـا العـراقيـب
يـاقـاك ربـي عـن دروب الـرزالـــه

مانت بولد هلباج يمشي مع السيب
مفتـوح لـك بـاب الـفخـر وأتعـنالـه

ما مقصـدي يالـقـرم نـقـدٍ ولا ريـب
مـار أتـعــزز يـوم يـنـفــق حـلالــه

يا رب عفوك عن سموم اللواهيـب
تـأسـف بحـالـي يـا عـظيـم الجلالـه

أنـت الـذي عـلام ما يطـوي الغيـب
ربـي كـريــم وكــل حــي دعــالــــه

ودنيـا العـنـا يالعبـد مشيـه تقاليـب
تجـري كمـا تجـري خطات المحالـه ‏

نـوب تـكـدر صـافـيـات المشـاريـب
ونـوبٍ يجي لـك مـاه صافي زلالـه ‏


أحمد بن معيبر السحيمي

البـدولـوشـان الدهـروقتهم ريــف
عسى لهم من وابـل الغيـث مرهـاش

اهل الشرف وأهل المـروات والكيـف
إلا وفـيهم ذارب ذبـح الاكباش

أهـل الــدلال المكـرمـات المهـاديـف
يغدن ضرمر مـن سامـر الليـل هتـاش

بيت الشعر ما صك بابه عن الضيـف
الضـيـف يلقـابـه تـراحـيـب وفـــراش

يصـلـح لهـتـاش الـخـلا والهـذالـيـف
بيـت الونـاسـه يدهـلـه كــل طــراش

يلقـابـه الـبــن الـحـمـر والتكـالـيـف
راعيه يجـدع فيـه حوشـه ومـانـاش

ارباعهـم شـغـل البـنـات الغطـاريـف
نجـل العيون مسلهمـات بـالارمـاش

عسـالـج يـزهـن جمـيـل التـواصـيـف
مثل الغصن اللي تهزع على الطاش

الـبــدو للشـيـمـه غـــزات مـزاهـيـف
يفرح بهم من جا مـن القفـر منـداش

هـذا كـلام الصـدق مـاهـي سوالـيـف
رجالـهـم للضـيـف لـطــف وبـشــاش

دور مـضـا مابـيـن غـــزو ومنـاكـيـف
مستخدمين الخيل من دون الادباش

يـامـا تـلاقــوا بالـمـزاريـج والـسـيـف
وياما تشـرع بالحمـر خضـر الانمـاش

ماهم على الماضي كثيـر التحاسيـف
ذاك الجهـل قـوم علـى قـوم حمـاش

سوالـف راحـت سـبـا تشـبـه الطـيـف
قـول علـى قـول تسولـف ولا هـنـاش

والـيـوم صـــارو بالـمـعـزه موالـيـف
كــل عـلـى منـهـج نـوايــاه مـعـتـاش

بضـلال جزليـن العـطـا والتصـاريـف
دولة هـل العوجـا مزيحيـن الاوبـاش

الاسمر الجويعان

ياسعد لاعاد تنشدني عن اشعاري
الشعر عفته وتزعجني طواريقه

لو ان بعض الشعر يعزف على اوتاري
ويتل قلب المعنى من معاليقه

مثل قصيدة محمد خطوة الساري
ولاقصيدك في وصف الحزن والضيقه

ودرب المحبه عليه انهيت مشواري
ودفنت حلم اللقى من قبل تحقيقه

وردت ضامي وضامي كان مصداري
واخذ بي الضيم تغريبه وتشريقه

وشبيت للصبر في ليل العنى ناري
وطبعت حكم الشقى والعمر تصديقه

وان مت مغبون منهو ياخذ بثاري
وبندق العشق ماتخطي تفافيقه

وقلبن نكال الهوا يلعب به اجباري
ااشلى له الموت من غبنه وتحريقه



يوسف الشمراني

ياضبي نادر اذا حليت وسط الضباء
تنافس البدر في نورك وفي مطلعك

في جنة الحب نورت الدجاء والرباء
حتى نسيم الهواء والعشق ساري معك

ابات سهران واتامل يجيني نباء
والحس شارد وعقلي بات شارد معك

من وسط حضنك انادي اه يا امي سباء
الله يضيع بهذا الوضع من ضيعك

انتي غلامي وانتي عمر كل الصباء
ياديرت العز والتاريخ ما اروعك

لا والله جهلتـوا قيمـة المـال يـا هـل المـال
ولا حـد(ن) درا منكـم بـقـدره ومصلـوحـه

لون الجهل ما هو مخيـم علـى الجهال
مـا سقتـوا عبـث ستة ملاييـن فـي لوحـه

ما خفتو من الله عالم الغيب والاحوال
ما ربيتو نفوس(ن) على النقص مشفوحه

لونـكـم دخلـتـو فـالـحـواري يـمـيـن شمال
مـن الصالـحـيـه لا علـيـشـه لا منـفـوحـه

تشـوفـون مــا يـثـر عـلـى دمـعـة الرجال
وندمـتـو عـلـى غلـطـات يـــارب مدموحه

بعـضـكـم يـــدوج فالـمـطـارات بالبطال
من اســــبانيا للصين لجنيف للــدوحه

يــدور عـلـى عـقـدة خـنـا مالـهـا حـلال
مـا دور عـلـى الفنـجـال الاشـقـر ولا فـوحـه

وبعضكـم صرفـهـا فــي جـمـال ورا جمال
وهـو ماعرفـهـا الـعـام لــو جـتـه ممنـوحـه

تقـولـون نبـحـث للتمـيـز بــدون اشكال
وانـا اقــول ضاقـت مـنـكـم اقـلــوب مجروحه

فـقــارا يلـوعـهـم دهـر والــدهــر ميال
وثــورة غلا تـقـفل بــهـا بــيوت مـفـتـوحـه

يـا كـم واحد تمضي شـهور مامعـه ريال
ولا يـعـرف الجـيـه ولا يـعـرف الـروحـه

يكيـلـون لــه جمعـيـة الـبـر بالمكيال
وفـراشه لا جاه القـيض مـفروش بسطـوحه

ولا فـي أصبعـه خاتـم ولا فـي يـده جوال
ولا كرشـتـه مــن زبــدة الـسـوق مطـروحـه

يحـده صلـف دنيـاه يمـشـي بــدون نعال
ويـحـده عـلـى بـعـض الجـرايـم شـقـا روحــه

لو إنكـم أهــل خـيـر واعـــزوم وقـــدر واجلال
صرفتوه فيمــا يـخــدم الـمـجـد وصـروحــه

مساجد مـدارس سـوق فـي قبضـة البنقال
وشبـاب قطاعـات الفشـل تقتـل طموحـه

ومسـاكـن تشـيـد لا جـل مـحـروم وأم عيال
ومـواقـع تـغـذي واعــي الـفـكـر بـطـروحـه

هـنـا تهـدمـون الفـقـر والجـهـل والاخلال
و هـنـا تكـبـرون بعـيـن من يبـعد الشـوحه

تخـيـل يـابـو عـقـل مغـفـل وشـوفـة حال
لاجـاك الـقـدر والنـفـس ما هي بمكبـوحه

وحطـوك فـي قبـر(ن) ترابـه عليـك يهال
سألـك الملـك عمـا صرفـتـه عـلـى اللـوحه


....

حاول توازن بين عقلك والإحساس
وعيش الحياة اللي تبيها لذاتك

إن كنت بتوّقف حياتك على الناس
بتموت ما سويت شي بحياتك .

نعيش ف الدنيا العريضه ونحلم
ويمكن نحب اشياء وفيها مضره
ظ°
يارب وانت اللي عن الغيب تعلم
اكتب لنا اللي فيه خيير ومسره .

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي .