فوق هام السحب ( الشعر الشعبي) على متن القوافي

يا مرحبا ترحيب يكتب بالأنوار
يا مرحبا باللي يـشرّف حظوره

أسمك مثل برق يبشر بالأمطار
على الوفا والطيب تكتب سطوره

....

تمرجح عزوم الناس بين الرجا والياس
‏ومن شدّ باسه بالولي ما أنثنى باسه

‏تبي سطوة الأيـام حـرٍ صميدع راس
‏ليا أشتد باس الوقت مايرتخي راسه

‏ومن عاش مابين الأوادم يباري الساس
‏غدا بين نيبان أقشر الوقت وأضراسه

....

عسى كل عيـنٍ دمعها بالوفاء رقراق
‏تزين الليالي لو على شان خاطرها

‏الا ياعيونٍ سبّلت دمعها الحـرّاق
‏ونامت حزينة مالقت من يعبرها

....

الذنوب تهز روحي والفناء يربكني
‏من يحرّرني من أغلال السهر لو مرة

‏الفرح يشمت بحالي والحزن يضحكني
‏صار قلبي يرعبه صوت الفرح ويضره

‏ودي أترك كل طاري يرحل ويتركني
‏بين هقواتي ولوعات الحياة المرة

....

نعيش ف الدنيا العريضه ونحلم
‏ويمكن نحب ااشياء وفيها مضره
‏ٰ
‏يارب وانت اللي عن الغيب تعلم
‏اكتب لنا اللي فيه خيير ومسره

....

دخيلك اليا من جابني طاري وحنيت
‏لاتذخر من احساس الوله شي لعيوني

‏معاك المشاعر طبقت خطة التكويت
‏تمنيتك انت وواجد اللي تمنوني

....

تمنيت لو عطري من الجاعد المنثور
‏ومن خدها قوتي ومن ريقها خمري

‏على جيدها لو ذاب سلسالها معذور
‏انا يوم ماكتب فيه الاشعار وش عذري

‏تقول انت شاعر قلت للفاترات الحور
‏تقول انت عاشق قلت لمعنق العفري

‏انا والقصيد وقلبي المنهي المأمور
‏فدا قالت انت انسان مجنون قلت ادري

....

اللي تجي بيني و بينك وش تبي
‏إن كانها تبغى هواك مطوّله

‏علّم قليل الفهم و امّات العبي
‏اني معاك الآخره و الأوّله

‏واللي معي ويطالع بغيري غبي
‏أنا في ربّات الجمال الأوّله

‏واللي تنافسني على الزين تهبي
‏زيني طبيعي والوصوف مهوّله

‏واني فريده بينهم من صيت ابي
‏واني من القمرا عليك محوله

....

يا مالك ٍقلبي وعيني تراعيِك
‏لبّيت قلبي يوم هاض بغرامك

‏احترت من زوُد الغلا وين اوديك
‏حتى عيوني ما تليق بمقامك

‏والله لو صدري يضمّك ويحويك
‏لجعلك فوق القلب تبني خيامك

....

قال أخاف تكون في حبي مخادع
‏قلت لا واللي صدف بينك و بيني

‏والدليل انه يجيني منك رادع
‏كل ماجيت اهتني بك مايجيني

....