اخترنا لكم

على البال ياللي كل مامرني طاريك
‏بدت كل تنهيده تمارس هوايتها

‏أنا لو ينسيك الزمن ماني بناسيك
‏محبتك قصه ما اقدر اكتب نهايتها

‏لو الوقت يرجع قبل اعرفك وقبل اجيك
‏وقبل الهقاوي تنثني دون غايتها

‏باروح انتظر فأول مكانٍ جمعني فيك
‏و باعيد تجربتي معك من بدايتها

....

نطاوع الدنيا ونمشي بلا طـووع
‏وليا بغـونا اصحابنا ما اختفـينا

....

‏مابارت أهدافي لو إن الزمن بار
‏العزم مثل البحر ماله نهايه

‏ذقت الخساير والعزاير والأمرار
‏وسقت العمر كله على عشان غايه

‏ما يصنع التاريخ من هاب الأخطار
‏ولا رقا في قمّة المجد تايه

‏ولا يعلم الإنسان عن بعض الأقدار
‏يمكن بعد خط النهاية بدايه

....

‏وقت المساء يوجع ضلوع المخاليق
‏ويذكر المشتاق منهو له أشتاق

‏وين أنت يالي شوفتك تبعد الضيق
‏والخاطر ليا ضاق من شوفتك راق

....

عـلى دروب الـمحبه كـم تـعنيّنا
الـطـيّب نـقـدّره والـغـالي نـودّه

يـامـا أجـتـهدنا وكـفـينا ووفـينا
ولا لقينا سوى الهجران والصّده

....

هات من عذب السوالف ماتهيّا
ودي أمسك صوتك بكفي وأحبه

....

‏أسولف معك في كل حاجه بِلا ترتيب
‏كلامي حقيقي وأشتياقي من أعماقي

....

‏كانك تذكرني على البعد لحظـات
فأنـا علـى كـثـر الـولـه مانسيـتـك

تهزني الذكـرى علـى كـل مافـات
لاغبت عـن عينـي بقلبـي لقيتـك

....

لا صرت مشتاق لك لاتطول القصه
مشاعر الشوق فيني مالها مرجع

تغانم الشوق دام الشوق لـه فرصه
الشوق مثل العمر لا راح ما يرجع

....

الملتزم بالصمت لا يخطي ولا يخطى عليه
انشهد ان الصمت يحفظ للرجل شخصيته

لا تعطي الهذار وجه ولا تخاوي لك سفيه
لو ساق لك جاهه وطش عقاله وطاقيته

ما يطرح الرجال في عيني عسى الله يهديه
غير الكبر لو يفرق بطيبه وفي شكليته

سعد بن جدلان رحمه الله