فوق هام السحب ( الشعر الشعبي) على متن القوافي

ماكلّ غايب عن عـيوني فقدته
‏و ماكل شخص القاه يستاهل اغليه

‏من بعْد ما قلبي شقيته وعدته
‏ما يسكنه غير الّـذي يعتني فيه

....

ليّت مالي من ورا الشعر محـبوبٍ ابيه
‏كان ماشافوا العَرب حزن عيني لا طرا

والله اني كل بيتٍ كتبته كان فيه
‏وما انتظرت ان كان يقرا او انه ما قرا

....

‏جاني ويسأل كيف نومك وممساك
قــلت السهر صار لحياتي مخاوي

ماغير أهوجس بين صوتك وذكراك
ومـــا غير أسلي خاطري بألحكاوي

....

‏ترا الصداقه تشبه أنواع السيوف
و ما كل سيف ياصاحبي ظنه قوي

سيفٍ بريقه باللعب بين الصفوف
وسيفٍ صليله بالوغى يدوي دوي

....

ياصاحبي أنت السند حزة الضيق
وأنت الذي يغني عن الناس ظله
ٰ
الطيب يرفع من مقام المخاليق
وأنت بمقامك ترفع الطيب كله

....

تعوذ برب الناس من كل شر وباس
ولا تنشغل في خلق ربي تراقبها

عسى من يحسد الناس والايضر الناس
يـجـيـه العمى فـ عيونه اللي يشوفبها

....

خيره تموت احلامنا في مهَدَها
احسن ولا ينقال ماتت كبيره

يا فهد لو دنياك يبطي شهَدَها
مرّات بعض المّر يا خوك خيره

....

من زينها مال القصايد معاذير
ينساب حرفي من هوايل حلاها

المهره اللي غير وأوصافها غير
كل العذارى بالمراتب وراها

....

‏تخفي غرامك لـكـن الشوق فضاح
والحب ما يستر عـيـوب المحبين

واللي ابتلي بالحب وشلون يرتاح
لاصار عنده جرح واليوم جرحين

....

‏مابقالي قلب يشفع لك خطيه
ذوبته اجروح صدك والخطايا

صاحبي با الله لاتعتب عليه
العتب معاد تاسعه الحنايا

....