فوق هام السحب ( الشعر الشعبي) على متن القوافي

لاتفتخر ، في كسر غيرك ياعنيد
بكره وراك حساب وعقاب وحشر
'
أكسر قلم أكسر شطر أكسر قصيد
بس انتبه في دنيتك تكسر بشر.؟

‏إيّاك تجني سكرًا من حنظل
فالشيء يرجع بالمذاق لأصله

في الجو مكتوبٌ على صحف الهوى
من يعمل المعروف يُجز بمثله

‌‏لا تلوم الحظ يوم الحظ خانك
‌‏الحظوظ أرزاق مافيها زعل

‌‏
‌‏خلها دايم على طرف لسانك
‌‏"" قدر الله وما شاء فعل ""

‌‏ماحسبـنا لا كثير ولا قليل
‌‏لو تروح اغلب جمايلنا سدى

‌‏
‌‏ان كسبنا ماكسبنا الا الجميل
‌‏وان خسرنا ماخسرنا الا الردى

يالله يا عـالـم بـ خـافـي الـمـخـاليـق
تشفي المريض وكل من يشكي الباس

أنت الـرجاء وأنت الأمل حزة الضيق
وأنت الـعظيم اللي خلق كل هالناس

‏لا زال جاري البحث عن امنياتي
‏م بين جور الوقت وايامه السود
‏
‏واذا لقيت اي امنيه في حياتي
‏ دايم تجي جزء من النص مفقود

تعبنــا من الدنيا علينـا تســوق اللــوم
ضغــوط الحيـاة وحـالة النــاس تعبانه

ولغبنا من اللي يعطف القوم فوق القوم
عيونه بشوف العيـب والبغــض مليــانه

وصبــرنا وقلنا يا عسى الجاي غير اليوم
على شـان بعض الناس وايضآ على شانه

ومشينـا على عادات اهلنا وفــا وعــزوم
نعــز الرفيــق ونحســب انا من اخــوانه

ونحـمي الصديق ولو غلط تونا محشوم
وايش الطيـب لوما صرت بيته وعنـوانه

لان الحيـاة اتــزول .. والباقيــات تـدوم
ولا بــاقي .. الا رحمــة الله ســبحــانــه

يـحيى عـمر قـال يـا طـرفـي لَـمـَه تـسـهـر
وإن شفت شي في طريقك واعجبك شُلّّه

ان كـان عـادك غـريـب مـا تعـرف البـنـدر
إذا دخـــلـت الـمديـنـه قـول بـسـم الــلــه

اتـبع هوى الـبيض جٌمْله واعـشق الأخضر
وسـاير الـسُّمـْر والأحْــمـر كـذاك خــلـّه

الخُضْـر دلـّه وفـيـهــم نـفـحــةُ الــعـَـنــبـــر
والـبِـيْـض يـسـلُوك للـسَّمــره وللــقـيـلـه

اسـمر مـع البِيْــــض كَـم يحلى بـه الـمَسمر
والشّـــمع يـزهـى إذا شـاف البهاء مـثله

خـلّـوه يـمشـي وهــوه الـمـسـكـين يـتـفـكــّر
لــمـّا نـوى بــا يـصــلّـي ضـيّع الـقـبـلـه

هـــذا وهـــذا وهـــذا حــــبّـهــم يـــســـحـر
يـا مـن دخـل فـي هـواهم تيّـهوا عَـقــله

لـو كـان بـيده مـفـاتـيـح بـحرهـا والـبَـــــرّ
الأرض مـــا تـستـوي عـنده كمـا قُـبـله

وعــاد قـصّه عـجيـبه فـي هوى الأخـضـر
شـــمّه وطـعمه وريـقـه يـبــرئ العـلـه

يـأمـر ويــنـهـى ويــحـكـم داخــل الـبـنـدر
دولـه عضـيمه ولا حد يعـصي الـدّوله

وصلــت إلـى بـابــه الـمـحـروس أتمخطر
متى يواجه ( أبو معجب ) يبـى وصله

وقلـت قصـدي اشــاهــد ذلـك الــمـنــظــر
إن كــان هـذا مـلـك فالـمـمــلـكـه لــلـه

قـالـوا لـي اطـلـع وسـلّــم واستـقـم واحذر
فاقصد بما قدعزمت ما جيت من أجله

طلعت وانـي بـزيـن اهـيف زبيب اخضر
لابـس مشـجّر ذهـب والـطّاس والحله

مـا جـيــت إلا وقــالــوا انــه اســـتـعــذر
ما عـنـده الا حـمـام الـدّور تسـجع لـه

وهـوه كـما الـبدر جـالـس فـوق ذا المنبر
واربـع وصـايـف لاجـله قـائــمه قـيله

اربـع يغنّـون وخـمـس ابــكـار تـتـخطـّـر
وخمـس لا قـام يـلـعب يـمسكوا حجله

المـركبـه طـا والـكـرسي مـن الــجوهـر
والـيافـعـي لا راه لا بـد يـخـضــع لـه

وقلـت سـيـدي بـك المـمـلوك يـتــجـوّر
ارحـم مـتـيـّم بـحـبّـك اسـالـك بـالــلـه

قال ابـشر ابـشر ولا تُضني ولا تضجر
وشـُــلّ هـــذا جبـالـك منّـــــنـا كــلّــه


يحيى عمر اليافعي

سولي الكيف وأرهولي من الدله
البن الاشقر يداوي الراس فنجاله

كيف لنا نحرقه بالنار ونزله
وليا انقطع لو ورا صنعاء عنينا له

البارحه الليل ماغمضت به كله
أراقب الصبح جالس واتحرى له

ابعث شريطن مضى وأطويه وفله
وأقول من يحفظ التاريخ لأجياله

قل للعراقي يفتش جعبته قله
يلقى بها شي مايطري على باله

الهم والغم والطاعون والعله
حقه لحاله كفايه حقه لحاله

من صفعتن ذاقها بانت بها الخله
يذكر هزيمة شهر شعبان وهلاله

قام الثعل يشتغل ويشاغل الشله
عزت وطارق وعد عدي وأمثاله

يذبح ويصلخ يده حمراء ومبتله
شي يخلي جبين الحر ينداله

ياناس ياويل من هذا زعيم له
الشعب في وضع يؤسف له ويرثى له

شعبن شرب كره وأكل كره كره له
يتفل على صورته ويدوس تمثاله

تبت يدا ابو لهب تب (ن) وتبله
واللي معه بالحطب للقوم حماله

مقبل على طبختن بالحيل تعمله
يوخذ بها الثار والثورة تسوى له

حتى نسيبه ولد خاله تحيل له
لغم له الهليوكبتر وأنشدوا خاله

الله مايهمل الظالم ويمهله
وأن طال به عمر اخس شوي وأردى له

الحكم منهار والاحزاب منحله
مخس من حالتن فيها ولا حاله

من ردى حظه في أهل بيته يزوله
صار الشجر قوم في عيونه يورى له

من كثر مايرتميه يخاف من ظله
ومن يعلم الغيب لو عدي قتاله

صدام انا بنشدك وش انت حي إله
مثلك يموت بغبنه وموته اشوى له

ماعاد تملك من السلطه خبر لله
خارج عن السيطرة دولتك منزاله

جمع عظامك سوات مجمع الجله
واحرق بها مادرى بغداد برجاله

الجيش يرزح تحت ذل من الذله
والشعب مسكين تضحك له وتغتاله

وإذاعتك ياسويد الوجه منشله
ماعندك ألا يا لالا يا لالا لاله

أي بله اسمعك زين أي بله اي بله
وليا تبين عدو بنا وحنا له

ماتدري إنا نعقد الحبل ونحله
بالعسر واليسر حلاله وفتاله

نعسف الصعب ثم يجيك مزين (ن) دل له
اديب مايشتكي عرقوب جماله

مانقتنع بالهجاد نصبح الحله
مع الغطاليس رجليه وخياله

والدار ماهيب ياصدام محتله
ما استعمرت قبل حكم العود وعياله

واليوم عنها نسن السيف ونسله
من شط وأخطى الطريق نصلح احواله

والفهد تخسى عنه منت بقبيل إله
وطى برجله على غاربك بنعاله

منته بكفوه ولا شرواك كفو إله
الفهد يكرم عن المشبوه واشكاله

الفهد عز العرب والعرب عز إله
وكم دولة (ن) تستغيث المال من ماله

العادل العدل والاسلام شرع إله
ولبيعة المسلمين البيعه أولى له

ولا انت مهزوم لا مذهب ولا مله
مقطع اربع تطيح بكل محباله

من ما بظلك تخدع الشعب وتظله
مفسد ويدعى عليك وفهد يدعى له

وين انت يلي له العذرى تكحل له
يقوم لعيونها وتشوم لافعاله

من طيب ابوها تبي وصفه حلي إله
يقلط على شوبة البارود وظلاله

ابيك في لازم (ن) قدك وقد إله
قمر عربسات يبرى لك وتبرى له

أمر (ن) ضروري وخلك مستعدإله
منته مراسل تجي وتروح برساله

عندك مهمه وقلبك مابرد غله
جدول مسيرك تعرف العام مدهاله

اركب على اللي قنابلها من السله
بمكبرات الصور بالجو جواله

اخذ المدرج وتل بريكها تله
واخفقبها خفقت الكدري لمقياله

انحر بها خاين النهرين وافطن له
لاذكر بالخير في حله وترحاله

حدد مكانه بتل سكوب وانزله
انزل رويدا رويدا واكبس الأله

حربية (ن) عاديه سوداء تسلل له
تسللت من جهة عمان وجباله

جاته من الغرب عبر اجواء صديق إله
تحمل على متنها حزنه وسلاله

ترسم هدفها على الليزر وترسله
اشارة الضبط وبالمضرب تهيا له

ماتحمله ماترفعه ترفعه مترين وتهله
مع ذرة الشمس في قصره تحما له

تعطيه ضربه تدك القبو بالفله
والشر فاله وفال الله ولا فاله

من شدة الانفجار اقول باسم الله
تهتز الاهوار والبصرة بزلزاله

في سبع الارض تحفرله وتدفن له
من تحت الانقاض والانقاذ ما شاله

ياخذ سنه يلتهب قبوه كما المله
ويذوب صنقل الساعه وسلساله

ثم خل غيره يشوف ويعتبر خله
واللي يبي مثلها بالحال تثنى له

الضعف ما حطه الطيب سبيل إله
قد قيل من لايعيل تجيه عياله


خلف بن هذال العتيبي

قصر يذلك لا تقابل معانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويلة رجاسي

لو ان مدخاله وطالت حواميه
شيد على الخيبة قليل الرحامي

وحي يوريك المذلة وتغليه
أنا اشهد انك ميت القلب عامي

من لا يودك لا توده وترجيه
ارفع مقامك ياعزيز المقامي

ارفع مقامك عن عدوك وتوذيه
ويلحقك من تركت رفيقك ملامي

حتى الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الأجرب بالامراض يعديه
عدواه تسطي باللحم والعظامي

درب السلامة بينات معاشيه
ودرب العطب يرث عليك اللكامي


محمد بن احمد السديري