فوق هام السحب ( الشعر الشعبي) على متن القوافي

مرحبا بالي حضوره سر بالي
‏له معزه وسط قلبي يمتلكها

‏الغلا له وسط قلبي دوم غالي
‏له محبه وسط شرياني شبكها

....

‏بعض البشر طبعه مقدر ومحشوم
‏وبعض البشر عيبٍ عليك احترامه

‏اللي ستر عيبه عن الناس بهـدوم
‏وش يستره لاصار عيبـه كلامـه

....

‏الله اللي حط في قلبي غلاك
والله اللي ميزك دون البشر

لو طلبت العمر ياعمري فداك
انت بس اطلب ويفداك العمر

....

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

....

اومن برب العيون الناعسات الوساع
‏سلهامها ياخذ العشاق لـ ابعد مدا

‏سهوم نظرتك ما يقدم عليها شجاع
‏حتى لو انه من اللي ينطحون العدا

‏لعيونك معرضٍ عمري لـ درب الضياع
‏واللي بقى منه واللي راح جعله فدا

‏احنك من الوداع ، ومن جروح الوداع
‏مثل ما احن الرفيق الطيب من الردى

....

عادتك ما تترك لغـيرك مجال
‏يختفون الكل اذا نـجمك لمع

‏يضربون بنـورك الطاغي مثال
‏منزلك عالي وشانك مرتفع

....

وين اجي وين اروح ادعس على النار وانوح
مابقاء لي طموح الوضع دمر طموحي

الليالي عناء وجروح والحلم مذبوح
ارثي الواقع المجروح او اعصب جروحي

يختلف ياسفينة نوح من روح لا روح
لو يكون العطاء مسموح لا اعطيك روحي

....

‏من ذاق حبك ياغلا الروح ماتاب
‏يبقي سنين العمر لاهي وعاصي
‏
‏وعن حب غيرك قافل كل الابواب
‏يذوب في حبك بنوع اختصاصي

....

‏متل القمر واجمل من اطلالة الشمس
والقلب حـدد فـي غرامـك مصـيره

بيني وبـينك حاجز بشاشة اللمـس
الــعيـن تبـصـر والايـادي قـصـيرة

....

‏ياوقت مآني طآمع في عطآياك
لآ دامـت الدنيـآ ولآ نيب دايـم

الله يجمّـل سيرتي وأتعـداك
للجنه اللـي من كبـآر الغنايـم

....