اخترنا لكم

كل الدروب اللي تودّي لودِّي
من دونها سبعة بحور الكرامة

....

‏مالي ملام ان كان شافوني تغيرت
‏أنا أكثر من كفى شره وماكفى خيره

‏علي السلام ورحمة الله إذا قصرت
‏أنا أكثر بني آدم عطى فرحته غيره

....

أبشرك طيب ومستويـه أموري
ونواقص الناس مافكرت أرقعها

لاجاتني الكلمة اللي تجرح شعوري
عرضتـها الريّح ولا كنـي أسمعـها

سعد علوش

وشلون إنسان واحد يملك احساسك
‏وتصير دنياك تتمحور حوالينه

‏انا شربت الهوا بيديك ومن كاسك
‏والقلب لآمن عطش بالوصل تسقيه

....

مع السلامة دامني اليوم رحال
لو انها بالعلم مامن سلامـه

زفيت دمعي عقب ماكان يختال
لين امطرت عيني سواة الغمامه

الموق يذرف والحدق صار همال
اغرق طرف كمي وعقب العمامه

تعبت انادي والهوى صار شيال
يدبر عن رسوم اتجاهي زمامه

اطرد سراب وكاهلي مثل الاثقال
وحمل الجمل لازاد يرمي سنامه

قررت اهد البيت ي طيب الفال
لو الدهر يصدر علي الغرامه

ماني بصاحي واعتبر فيني خبال
امر صدر من حكم روح الزعامه

ماني بضايع دام بي طولة البال
ولا اريد ادورق هامتي كالنعامه

وان كان لي بالقلب خاطر ولا زال
احفظ بواقي مابقى في تمامه

بيني وبينك عهد ووثوق وحبال
اعظم من جبال المدي في تهامه

ولابد يطري بالخفى لابس الشال
الجادل اللي محتويني غرامه

اللي لها بالقلب فارس وخيال
عكف الشوارب ما قوت في لجامه

تطري عقب مافرقتنا بالاحوال
لو انها بالعلم مامن سلامه

....

‏خايف يمرّ الزمن ويحدني حزنِي
‏أبكي على ناس ما تستاهل أبكيها

....

ماني على كل المخاليق شاعر
ننزف مشاعرنا متاهات وجروح

واحيان ابوح بكثر نزف المشاعر
واحيان مالي من ورى البوح مصلوح

....

‏عن جفاك القديم وجرحك الحالي
‏اختر اللي تبيه من الحكي واحكه

‏الجفا دمعة الغالي على الغالي
‏والوصل ضحكة المبطي من الضحكة

....

ياعطر ياكـــــاذي وياورد جـوري
ياجنتن خضرا لها اثـــمار دانـي

يامصدر افراحي ومنبع ســـروري
وغاية آمــــــالي وكل الأمـــــاني

وين انت غايب هل غيابك ضروري
أو صرت عايفني وما عـد تباني

أو شفتني هايم وصابك غروري
من كثر حبي لك وكثر التفـــاني

أبغى انصحك قبل الدواير تدوري
وارجع تدور لي وما عد تراني

....

ما معي لك حيل يا قلبي ولا لك معي حيله
‏صبرك اهون من مشاويرٍ ما تحمد عاقبتّهَا
‏
‏لانت ميّت من هوان ولانت ميت من فشيله
‏مالك إلا موتةٍ وحدة متى ما جتك متهَا

....