فوق هام السحب ( الشعر الشعبي) على متن القوافي

يا غناة القلب يا مدهل الصدر الوسيع
يوم صدر الشاعر الذرب محدً يدهله

جيّتك تكفيه عن جية العالم جميييع
قافل مخرج مكانك و قافل مدخله

انت شوفك خير و امطار و سيول و ربيع
و شوف غيرك مثل شوف الديار المضحله

....

سعد علوش يوم يقول عن فقدان الشغف

‏تمركّ العابرين وما تسلم عليك
‏إلا غريبٍ طوته الأرض بسنينها

‏قال أنت جالس لحالك تنتظر من يجيك
‏قلت انتظر نفسي اللي ما اعرف وينها

جعـل غصن مآ يذري ولآ تحـته مقيل
تحرقـه سـود آللـيآلي على دآفورهآ

رفقتن مآهيب توزن من آلوزن آلثقيل
بيعهآ بـأرخص ثمن لآتطآوع شورهآ

....

قهويت صدري من طواريك فنجال
وعيا الفــؤاد يرد فنجال طاريك

فنجال شوقن يشكي الحـال للحال
فنجـــــال مـــاينمد إلا لمغليك

....

ابلجٍ بـين الـكـرامه ودول ام البهار
‏مرحباه تسـابق ضـيوفه بـ تسليمها

‏رغـم فـقره كـل ليلٍ يقلط له فقار
‏وفيه هقوات المطاليق تاصل تيمها

‏للظفر فـ الرجل شاره وفـ وجهه شنار
‏قـبل يـنوي بـ الـعزيمه وفي تقديمها

‏لحيةٍ تـكريمها الـعود الأزرق والوقار
‏ولحيةٍ غير ازرق الموس وش تكريمها

....

‏الصبر زين وتالي الصبر الافراج
وخلك على درب التصبر مبادر

واليا تصافق حلم قلبك بالامواج
الله على تحقيق الاحلام قادر

....

يا جافي الغصّن لا تبكي على أوراقه
‏بعد البطى خل دمعك لانزل يرقا

‏خلّك مع اللي يحاول يصنع أشواقه
‏يتصنّع إن الهوى في خافقه يرقا

‏العام علمتك إن ما عاد لي طاقه
‏واليّا افترقنا ترى الفرقا هي الفرقى

....

على الطريق اللي نهاياته بدايات انطلاق
‏يبدا الخيال يعيش جوه والقديم يجدده

‏خلوني اخذ راحتي وارتاح من ضيق الخناق
‏محتاج لي سجّه تعيد الراحه المستبعده

....

‏مايموت الشوق واغصانه نديه
ولايموت اسم يھذري به لساني

يشھد الله كل ماتطري عليه
تسرح افكاري وأعيش بجو ثاني

....

ابرك الساعات ساعة وصـالك
‏وابرك الايام اللي فيهـا تـجـيني

‏افرح بقربك ولحظة إتـصـالك
‏لو ثواني بس ترا فيـها تحييني

....