فوق هام السحب ( الشعر الشعبي) على متن القوافي

ابشرك لا زال قلبي ينبض
بالحب لك والشوق لك يملاني

الروح تواقه وعقلي يرفض
فكره محبة اي واحد ثاني

والعين تسأل والمشاعر تلفض
رغباتها كلمات من وجداني

تعبير يشرح لك ومعنى يوقض
ضمير قلب احساسك الانساني

من اجل لا تجبر شعوري يفرض
واقع وينسا كل من ينساني

....

يامنتهى الذوق كلمني وخبرني
‏عن صحتك ياأعز الناس وأغلاها

‏وعن زايد الشوق طمني وبشرني
‏وعن المحبة بقلبك كيف دنياها

‏حي الله اللي ملك قلبي وعذبني
‏على دروب الغلا والنفس يدراها

....

مدري على العهد يذكرني وفي باله
‏و إلا مع الخلق سج وصار ناسيني
‏
‏وأنا على العهد حافظ كل ماقاله
‏دايم على البال لو ماشافته عيني

....

‏مشتاق لـه ياطيـر والشـوق حامـى
‏الشـوق مشعـل فـى فـوادى شظيـه

‏والعـيـن مشقيـهـا قلـيـل المـنـامـى
‏مـا طـاب نومـك يالعـيـون الشقـيـه

....

‏الصبح ماهو بس شمس وعصافير
‏الصبح بسماتك وصوتك ونورك

‏يعني صباح الورد والنور والخير
‏مفروض ماتنقال غير بحضورك

....

‏يابحر خذني بين مــدّك والامــواج
‏اعزف نغم شوقي وهمسة حنيني

‏وارسم لخافقي مع الوقت مـنهاج
‏واخفي تعب روحي وصرخة ونيني

....

‏يامرحبا والعيون بـ شوفتك قرت
‏من يوم غيبتْك واشواقي على ماهي

‏اقول نورت ولا جيتك سرّت
‏قلبً عشق وجنتك مع طرفك الساهي

‏اللطف من الغيمه البيضا الى درت
‏واحلا من السكر اللي باخر الشاهي

‏ابسط وصايف غزال الريم لا مرت
‏تلّهي المنتبه وتنبه اللاهي

....

المحبوب مُستثنى حتى في الجراح

مدغم أبو شيبة :
أعذريني يوم أقابل طعونك بإرتياح
كيف لا والجرح مملوح والجارح مليح

ضيدان بن قضعان قال :
تحاليت الجروح اللي تجيني من يدينك لين
دريت إن كل جرحٍ في حشاي أغلى من الثاني

سلطان الهاجري :
فديتك أنت وكل طعنه من يدك فديتها

‏أعذب ماجاء في باب تأكيد المحبّه :
‏
‏ولا يلحق فؤادك شكٍ وريبة
‏والله إنك خليل الفؤاد وحبيبه

على ماتشتهي خذني معك يا شوقي المعتاد
الا ياروح روحي وين ما ودك أنا راضي

توسّدني وطن لو ما وسع صدرك فضاء وبلاد
أنا كل الدروب اللي تبيها حاضر وماضي

....