اخترنا لكم

هقوات الاحلام شرهتها على ظنّي
‏وسقف الطموحات يا وجدي لبانيها

‏ما عاد يشحنّي اللي كان يشحنّي
‏سمحت من قاصي شفوفي ودانيها

.....

‏بعض الجروح إن صابت القلب تنهيه
وبعض الجروح تزود القلب قوه

‏الله كتب والسهم في كف راميه
واللي تشوفه يا أبيض الوجه سوه

.....

يا اجمل اقدار المحبه وياعز اختيار
اصطفاك الله حبيبه على حظ اجنبي

اقربي ويسولف الليل ويصد النهار
لين ماتروا المشاعر وناخذ مانبي

لا تلوميني ليا عشت ذنبك بختصار
انتي فتنه ما تضاها وانا ماني نبي

.....

‏عجزت ادور قصيدن وافي وراقي
ياكثر شعر الخشاش وياغلا سوقه

ضميان عذب القصيد بحاره الساقي
مادام قربة جزيل الشعر مشقوقه

.....

‏أبتـسم رغـم المواجـع والظــروف
‏من سحـاب الكـون ماضاقت سما

‏لـو تشــوف العـين ولا مـا تشـوف
‏مــا تنـــول الا ســواليف وعـــما

‏القناعــه كــنز مـا بــــين الكــفوف
‏والضـباب مـزون ما يــروي ضـما

.....

‏نشرب فعول الـطيب مع فكة الريـق
والـعز والناموس يـطرب مذاقه

نـصـبـح على فـعـل المـواجـيـب ونفـيـق
ونمـسي على فـعـل الوفا والـطلاقـه

.....

‏ياالله طلبتك ياكريم ويارحيـم وياعظيم
‏ياواحَّـدنً بيديـنه أرزاق الخلايـَّق كُـلـها

‏يارب ترحمنا وتهدينا الصَّراط المستقيم
‏وتكـتب لنـا الجنه وننعم ياكريـم بظلها

آمين

يالله ياللي صبحك اشرق على الكون
‏نسألك خــير اليــوم واللي ورا اليوم

‏ونعوذ بك من شــر ما كــان ويكون
‏ونطلبك فضلك والعفو دايم الدوم

آمين

الحـب ذا يبداء ويكبر علا الصـح
يـخـلـي ألانـسـان عـايـش بـراحـه

سامح علا ألزّلات مـن بعـد تنصح
وأتـرك لـخلـك في حياته مـساحة

وإن عـاد نادم بعـدما زّلّ فأصفـح
تموت ألاخطا حين تأتي الصراحه

.....

‏ضاعت حروفي بين صمتي وبوحي
لا الصمت يكفيني ولا البوح يكفي

غامرت باحساسي علشان روحي
يا ليتني خليت الاحساس مخفي

.....