فوق هام السحب ( الشعر الشعبي) على متن القوافي

جعل القلوب اللي لها القلب يشتاق
‏تصبح وتمسي بالهناء والسعاده
‏
‏وجعـل النفوس اللي تحلّت بالأخلاق
‏تصبح وتمسي ماتشوف النكاده

بقلمي

في حنانك يا بعد عمري وفاء
فيك معنى الحب ياروحي يطيب

صادق شوقك وشوقي لك صفا
لو تروح بعيد من قلبي قريب

في غرامك هام قلبي واكتفاء
في غيابك مشتعل مثل اللهيب

....

حبك على عيني وقدرك على الراس
ما اغليت غيرك فالبشر ياعيوني

بنيت حبك في ضميري على ساس
ما لوم عيوني لو عليك اسهروني

....

صباح الورد يافال السعد مني صباح الخير
صباح النور ياوجه الصباح ونور تسبيحه

صباح الفل والكادي صباح النبت والتزهير
صباح المسك والعنبر صباحه لانتثر ريحه

....

ماضرنا بعد السماء وان عـلت
ما دمت يارب السماء قريب

أتضرنا أبواب خلـق أغلقت
والله نطرق بابه فيجيب

....

الإنسان حساس مع من يحب

قال الشاعر ..
أطراف قلبي من جهتكم رقاقة
لا مرها النسناس يثر عليها

‏لا ترمي المزحه على كل جالس
‏ترا نفوس الناس ماهي سويّه

‏احفظ لسانك لادخلت المجالس
‏ماكل من قابلت تصبح خويّه

....

ياكثر ماتطري على البال واطريك
في ضيقت الايام لا ضاق صدري

واللي يخليني اليا ضقت اناديك
اني معك عارف غلاتي وقدري

وانك بوقت الضيق ما رخصت غاليك
ماهي خساره معك لا راح عمري

....

ماعاد تكْفي خرمة الراس فنجال
‏زيدوا مع الفنجال فنجال ثاني

‏من دلةٍ في بطنها خمسة اشكال
‏يطغى عليها لونها الزعفراني

....

‏إسعى ورى حلمك التايه وخلّك جزوم
لا تحسب حساب من ساعد ولا من جحد

مسافة السعي خلف الحلم ماهيب يوم
مسافة العمر ما بين المهد واللحد

وان وقّفوا ضدّك اللي يحبطون العزوم
وقّف لهم وقفة اللي ما عليه مْن أحد

....