فوق هام السحب ( الشعر الشعبي) على متن القوافي

في قوانين الهَوى بين الأحبّه
من تمادى بالجفا عنده بديـل
‏
الاكتفاء أبرز علامات المـحبّه
والتجاهل من علامات الرحيل

....

أهم شي بهـ الحياة الاحترام
افرض على الكل احترامك ياذكي

احيان تاخذ نقص من زود الكلام
واحيان تاخذ زود من قّل الحكي

....

‏أخطيت يا خلّي و أنا مثلك أخطيت
‏و ما فادني صبري ولا فاد صبرك

‏لا تحسب اني كارهك يوم صـدّيت
‏قلبي على حطّت يدينك وخبرك

‏سويت كل حاجة تجيبك ولا جيت
‏وش بـاقي اسوي سواة الله ابرك

....

‏قل للزمن لآضاق صدري عوافي
‏بكره تزين وينشرح خاطر الوجد

‏كان الآلم في محجر العين غافي
‏ترآ الآمل ماله وسط خافقي حد

....

‏أحبّه لو إن القلب من غيبته مرتاب
‏وقربه سعادة خاطر ومقصد وغايه

‏يقول الليالي طبعها تبعد الأحباب
‏وانا ادري ماهو طبع الليالي هذا رايه

....

لا تذيّر وانت يا الريم المذيّر
‏فوق سحر عيونك الكف المحنّا

‏خصلتك مع كل ذعذاع اتغيّر
‏والخصر معى النسانيس ايتثنّا

‏والله ان وصلك هو الشيك المجيّر
‏و بعدك يبعّد لذيذ النوم عنّا

‏كل ما جيت لهواجيسي مسيّر
‏أومي المسباح منّا وانت منّا

‏ماني مخيّر معاك ولا مسيّر
‏ولا حَزن شعري عليك ولا تهنّا

....

‏خطيت فيك اشعـار ماقالهـا انسان
‏وكتبت فيك ابيات ماحد كتبها

‏ورسمت لك لوحه بها كل الالوان
‏من قبلي الشُعار ماحد رسمها

‏ياحب قلبي فيك ذايب وولهان
‏والروح ياروحي غرامك نهبها

‏وعشقك تملك داخلي كل شريان
‏حتى العظام اللي بجسمي سكنها

....

لا لمحت الكبر في منطق رفاقي
قلت يا نفسي ولا نصبر دقيقه

الكرامه دونها لو ما نلاقي
من نصاحب كل واحد في طريقه

من تغير واختلف ماعاد باقي
في وجوده اي داعي فالحقيقه

من يريد البعد ويدور فراقي
لا يدور عن سبب ولا طريقه

يبتعد ما دام ما ناسب مذاقي
لا يجيني في تصرف ما اطيقه

....

‏نصيحتي لا تظلمون وتضرّون
وصدّوا عن عيوب البشر واستروها
‏
ولغيركم حبّوا مثل ما تحبون
ونفوسكم بالناس لا تشغلوها

رسالتي لك....
بقلمي

راحت معاوشنا على خفْ وجناح
نوبٍ على هذي ونوبٍ على ذي

وأيامنا صارت مشافيح وشحاح
والعذر مايرضابه اللي يبي شي

والرزق مكتوبٍ على صمّ الالواح
والموت لابدّه يسيّر على الحيّ

نفرح ليامنا سمعنا المطر طاح
وننسى طلوع الشمس يلحق على الفي


لاحق العضياني

‎