فوق هام السحب ( الشعر الشعبي) على متن القوافي

عـدوّك البيّن ابرك لك من الخافـي
اللي يعاديك ويِسمّك على الصامت

الوجه وجه الصديق المخلص الوافي
والقلب قلب العدوّ الحاقد الشامت

ابن دلامه

تخاوا بخيل المرجله مع بخيل المال
هـذا منطلق مـفهوم ماتنفـع الخـوه

هذا مايقول اقلـط وذا مايسوق ريال
وذا مانفـع ربعه وذا ماشـعم ضـوه

محمد القضيع

اتركوني عايشٍ في محتوى تفكيري
عن ضجيج العالم اللي مالله بـ هاديها
َ
عزلتي من واقع ايامي ومن تقديري
راحةٍ فيها الحياه اللي محد لاقيها

....

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

أبلغ المحبه محبة الحميّا ومما قالو فيها :

إن كان ما جتني عليك الحميّا
ماعاد لي في باقي العمر ملزوم
-مساعد الشريدي

كيف ما أسمع منك وأستعذب هماجك
وأنا تاخذني على جدك حميّا
-عبدالله السبيعي

كل ماعز الطلب عندي وقالت لي عشاني
قلت من هذي قبل هذي وجابتني حميّا
-فهد عافت

ناح ورق الشوق والعين راجت بالدموع
والاماني مال صلف الهوى بـ عذوقها

اقنعنتي سود الايام لو ماني قنوع
وحرمتني دلة الوصل قبل اذوقها

يجتلد ذيب الطواري ورى عوج الضلوع
والهموم آتدك ذود الشقى وتسوقها

اتقوى والهوى شر والفرقا تروع
وذكريات الفقد غنت على طاروقها

واقف لي عام بين التقدم والرجوع
في رجاء سحًب التواصل تلوح بروقها

ياعشيري عادني لـ الوعود اضما واجوع
وانت ماضني وثاق العهود تبوقها

ليه تقطعني وانا خابرك منت بـ قطوع
وليه ماتعطي كبار الحقوق حقوقها

لو تقول الصبر نوره مثل نور الشموع
الامل لـ الحين شمسه ماشفت شروقها

لا توضح وانت قلبك على الصده جزوع
العذر ورد الهقاوي مابل حلوقها

بين مضمار التخطي ومضمار الوقوع
رحلة الاقناع عيت تبين فروقها

ليت لي عين ماتبكي وقلب مايزوع
وليت لو ان ليت ماعاد يمشي سوقها

المحبه خلّت اللي يفضون الجموع
تفرك كفوف الندامه وتشكي عوقها

....

في وداعك ليلة السبت تشكي للربوع
موعد فيه المواصل طموح ومطمعه

لو كسر صوم المشاريه تذريف الدموع
أنهمر مزن من الموق محد يمنعه

غبت وأوقدت المحاني وطفيت الشموع
وأجترعت بـ فقدتك سم محد يجرعه

وإستحل الحزن ما بين حدبان الضلوع
صرت أشوف الحزن مال الجهات الاربعه

والحـزن بـ القلب ليته بـ تذريف الدموع
إشهد أن الحزن بـ القلب حاجة موجعه

....

ليت الخيارات في الدنيا خياراتي
وليت الهقاوي تفرّح ظن هاقيها

يزعجني الجد وتضحكني سخافاتي
أضحّك النفس ومن داخل أواسيها

مروّعني الوقت لو ياخذ طموحاتي
وتروّعني الناس في صدمة مباديها

....

احيان عن معــنى المحبه لي ابيات
واحيان عن شوقي ولهـفــة ســروري

احيان اكتب عن مدا الضيق حالات
واحيان همـي ينقطع به حـظــوري

....

قالت تحدَّثْ عن ودادكَ يافتى
صِفْ لي غرامكَ والجوى ياشاعري

قلتُ اسمعي منِّي فإنيَ عاشقٌ
أسكنتُ حُبكِ والغرام بخاطري

قالت أتدري كم أحبك لو ترى
ماطاب لي عيشٌ بدونك ساحري

قلتُ الهوى والحبُّ أنتِ والمنى
يامن لكِ عِشقي وكل مشاعري

أقسمتُ أنِّي قد جعلتكِ وجهتي
من حبَّ مثلكِ ليس ليس بخاسرِ

....