اخترنا لكم

ملهم عيون القصيد وناتقً صيده
مضراب عينه مرامي بندق الرامي

الوصف لو كان بالأمكان تحديده
وش عنقه الفارع ووش عوده النامي

يقرب خيالي ويرسم صورة بعيدة
والصورة أحيان تعطي مصدر ألهامي

وش ياخذ العذق من داني عناقيده
والأدمي وش خذا من ارقاب الأدامي

.....

كتمت الغلا ماودي ان العرب يدرون
رسايل غرامٍ علقت فالقطا الكدري

اي والله أحبه والمحبه بدون عيون
وليفٍ حرمني لذة النوم من بدري

انا مانيب خايف على بيحة المكنون
لكن خايف اناديه بأسمه وانا مدري

.....

وجهها نور بدرٍ عن ظلامه يزوح
ومبسم وسطه اللي تلمع صفوفها

النحر عن حدود الثوب مثل الصبوح
وصدرها معتلي من فوق سرجوفها

يا قوامٍ يهيض مبعدين الشبوح
الهواء لاكفخ عن مطرح ردوفها

تشبه الخيل عند الغطرسه والجموح
لاعرضت من تبخترها ومن نوفها

.....

اللـي سـقـط لا تحسبه غـالي علـيك
لـو كــان غـالي والله انـه ما سـقــط

يتساقطون الناس في مسكت بريك
ما يبـقـوا الا اللـي يـحبـونك فـقــط

.....

مناقع الماء مرايات الطيوُر الصغار
الله جعل من رحيق الغيم معكوسها

الطيب والحبّ ورذاذ المطر والوقار
أشياء ماتشتريها الناس بفلوُسها

.....

‏أثر الزمن هو هو والناس هي هي
‏حتى وليفي درع جنبي ومركايّ

‏إقفى عقب مافلت الريش بيديّ
‏وخلا يساري تصفق بكف يمناي

.....

على صورتك ماني بمستامن النظرات
‏ياكيف أتصبر نظرتي وانت سارقها

‏خذاك الغياب ومجرياته وحب الذات
‏وانا غيبتك لليوم ماني مصدقها

علي فهد الوطري

يسأل عليك اللي من الناس يغليك
يســــــأل ويرسل ما يبي غير ردّك

سلام والخافق من الشوق يطريك
مشتــاق لك لـيت الـرساله تـشدك

.....

أصعب إجابه قلتھا في حياتي
ماعاد لي خاطر وأنا خاطري فيك

وأقفيت أحمّل في ضلوعي شتاتي
عجزت من زود الغلا لا ألتفت فيك

.....

‏أﻧﺎ ﻟﻴﺎ ﻣﻦ ﺿﺎﻕ ﺻﺪﺭﻱ ﺗﺬﻛﺮّﺕ
‏إن الله أﻗﺮﺏ ﻣﻦ جميع ﺍﻟﺨﻼﻳـﻖ

سبحانه