فوق هام السحب ( الشعر الشعبي) على متن القوافي

ماهيـب تحتاج للمكياج والفلتر
الجادل الفارع اللي زينها كـلـي

من كثر ماهي جميله يالطيف استر
جايه على شكل قلب بجسمها السفلي

....

النعومة و الدلع و الهيكل المتناسق
والكحل والمسكرة والخد ابو غمازه

تلعب بقلب المطوع قبل قلب الفاسق
تحيي فؤاد الرجل لو هو على عكازه

....

أوفى وأصدق وأعمق ماكتبه الشعراء في وصف الحُب بمنظورهم :

يقول سعد بن جدلان :
أي والله أحبك وصايبني على حبك غلو
أشد من غلو إلتزام الدين بعد الهستره


إما مساعد الرشيدي يقول :
أحبك لو يموت الحب وتصير القلوب قبور
أشوف الجرح يكبر وأنت تكبر وسط تفكيري

‏اهلا مساء الورد ياطيف خلي
يامرحبا والشوق دايم يناديك

يشوقني شوفك وارحب وهلي
ألا مساء الحب ياحي طاريك

اقرب تفضل فالحشا لك محلي
في مجلس الأشواق الله يحييك

....

يا ليت القلوب الباردة تنعرض للسوم
أبـ أشريك يا قلب أجوديٍّ على بالي

أبـ آخذك وقت النوم لين أنّي أشبع نوم
وأرجّعك حين أصحى من النوم طوالي

....

مهرةٍ من مربطٍ ما أعلن أفلاسه
لادجرت كن السماء تهوي نجومه

بنت شوخٍ لأحمر الموت دواسه
من تقدم في نحرهم فقد زومه

للسرب في ساحة الحرب روّاسه
يوم كلٍ للقاء ينفذ كمومه

مع سطرهم والكرم عرف وفراسه
خصمهم ينشب كلامه بحلقومه

....

‏لا تنشدوني عن علومي والعلوم
‏ماهيب تفرح لا رفيّق ولا عدو
‏⠀
‏من كثر مايقلط على صدري هموم
‏راسي ثلاث ايام ما ذاق الهدوّ
‏⠀
‏في داخله من زحمة الافكار كوم
‏متشابكه تشابك خيوط السدو
‏⠀
‏يا حظ تكفى قم وقومني واقوم
‏صبري نفذ واحلامي قريّب بدو

....

معك المحبه غير وباعاند الحظ
وبمشي معك ياعلاج قلبي وطبه

قلبك على الدنيا من الطول للعرض
ماشفت مثله قلب في حب حبه

قلبك لو انه ينزرع تحت هالارض
تنبت على الدنيا سلام ومحبه

....

و ياما كسرت بخاطري كل ما جيت
‏أرجع و دمعي فوق خدي سكايب

‏و الحين عنك يا هوى البال صديت
‏حل الفراق و خاطري منك طايب

....

ماني بثوبٍ تلبسه ثم تمله
‏رح واعتبرني واحد اذنب وتاب

‏حتى القمر لاغاب شفتك محله
‏كنت القريب وكلهم كانوا أغراب

‏ماراح تغلبني لو الحب غلاب
‏شف دربك اللي جيت منه تدله
‏
....