فوق هام السحب ( الشعر الشعبي) على متن القوافي

فاقدك والكون بغيابك كئيب
‏لا أحد قبلك ولا بعدك أحد

‏عفت خلق الله من بعيد وقريب
‏وأعتزلت الناس بعدك للأبد

‏كل واحد صار بعيوني غريب
‏مافقدتك كن فاقد لي بلد

‏كان همي في حياتي لاتغيب
‏الحياه بدون ضحكاتك : نكد

‏ماني أول شخص فاقد له حبيب
‏بسّ بـغيابك أنا أكثر من فقد

....

‏لابأس ياراسٍ ملته التفاكير
‏وعاف المنام وعاف لين الوسادة

‏لابد من عقب المصاعب تياسير
‏والآدمي يصبر وصبره عبادة

‏نتعب ونقطع بالركادة مشاوير
‏وسعي الطفاقه غير سعي الركادة

‏ظروفنا صعبة وتبغى مناعير
‏معها على سود الليالي جلادة

‏بكره يبين الصبح ويغرد الطير
‏وامشي مع العالم واوزع سعادة

....

‏شرعي باب المعاتب بدون مقدمات
‏واطلقي ماكان في صدرك اطلاق سجنا

‏حاصريني بالتشره من الاربع جهات
‏انتي المشروه منك مثل رد الثنا

صح ماودي بهجرك لو يطول السكات
‏بس ماودي بوصلك وانا مانيب انا

....

اضحك وسج وهون الدعوة وصدقني تهون
‏مافيه بابٍ ينقفل الا وربك يفتحه

‏الحزن لامن طال لابده يودي للجنون
‏اما يقوم ويذبحك ولا تقوم وتذبحه

....

ماكلّ غايب عن عيوني فقدته
‏و ماكل شخص القاه يستاهل اغليه

‏من بعْد ما قلبي شقيته وعدته
‏ما يسكنه غـير الّـذي يعتني فيه

....

من يزرع بدرب الرفيق العوايق
ماعاد تنفع فيه شرهه ولا عتاب

ثنتين تشعل ف القلوب الحرايق
غدر الرفيق وحلم الأيام لاخاب

....

‏خذ ماتبي مني وابي منك ثنتين
‏ومثلي تسّرك نفعته لا نفعته

‏صوتك مدامنا انا وات حيّين
‏لاتقطعه عني بعد ماسمعته

‏واذا حصل شوفتك من حين لـ حين
‏تعال واسق بداخلي مازرعته

‏ودي اغرد كل ماغرد الطير
مليت من حبس المشاعر صراحه

ماني بظامنها تعدي على خير
الضيق ماخلا بصدري مساحه

....

يا رب يسرها على كل ضاايق
وارفع ستار الهم عن كل محزون

لو كان في درب السعاده عوايق
تهون مع رحمتك يا خالق الكون

....

يازمان الصمّت وش ذنب الحروف
لا بغّت تحكي مُعاناتك شطر

الوطن ديرة حنين وفيها خوف
والحكي يشبه جروحك والعطر

....