ديوان قصائد لشعراء المملكة العربية السعودية (متجدد)☘️☘️

انا الليّ همومي .. سعد بن جدلان

انا الليّ همومي صايراتٍ عليّ كـدر
لوّ انها تحوّل فوق غيري فقد عقله
لامنه اشتغل موضوعها داخل الصدر
تقلّ فايزٍ وسطه فريقٍ يصفـقّ لـه
على الصاحب الليّ مانويناه بالغـدر
شفوقٍ عليّ وانا ماغير أتشفقّ لـه
بنا بيت حبّه فالحشا واسس الجـدر
وخلاّ معاليق الضماير تخافـق لـه

البارحه يوم الاوادم خواشيع .. سعد بن جدلان

البارحه يوم الاوادم خواشيع
في نومها وناعلى الكوع واعي
هم(ن)يمزع سترة القلب تمزيع
تقول ينهش ثومة القلب افاعي
خذت القلم من بين روس الاصابيع
وحبيت اميز سيرتي وانطباعي
عزلت من صدقان عطلةالاسابيع
وعزلت من ضحك الوجيه الصناعي
وعزلت من بنين بامالي مشاريع
جميد برد ولانس الشمس ماعي
وعزلت من زرع الخلي البلاقيع
وعزلت من رفع الثنيه رباعي
من نفعة اللي ماطلبني منافيع
جميلة(ن)في غير اهلها ضياعي
في اسواقها ماعاد لشري ولابيع
لخطيت من رفقة طويل الذراعي
اللي على الرفقه يسوقه دوافيع
هذاك تشرى رفقته ماتباعي
امايشجعني على الطيب تشجيع
والايعلمني حميد المساعي
والا ليامنه رمعني رواميع
وضاقت على كل الفجوج الوساعي
جيته ويسرلي عسير المواضيع
وخلاخفايا خاطري له وساعي
معرفته ماهي معرفة طماميع
ماتنتج الاالغطرسه والضياعي

الجمس .. سعد بن جدلان

يا راكب اللّي مصنعه في الولايات
اللّي مريكا في المصانع تصبه
تصميم شركة كلاهان الخواجات
اموردة من نيويورك ونصبه
أكبر مكينه سقّطت للونيتات
واحد صفر واحد ودبه ودبه
ما يصدر الا عن طريق القطاعات
حتى سبيراتة تجي في اسطبه
وبالجدول السري خذته الوكلات
ومديرها وقّع وعاهد بربّه
وصدفه طلع بالواسطه والحيالات
ثم قيل يا سوّاق أخذه وغبّه
ساعة فتح بابه عطوه السويكات
شغّل ولا الماء مع كزوزة يكبه
قام إيتسمع وش تقول القزوزات
لياهي تقول ابغاك ممه وببّه

يآسوريآ عذراً .. سعد بن جدلان

يآسوريآ عذراً ترى المعتصم مآت
وأهل الشھآمة كلھم ميتينآ
يآ سوريآ لوذي برب السماوات
الناصر البر المعزّ المعينآ
ما فيك نفطٍ يستفز الخواجات
والعُرْب عن نجدتْك متخآذلينآ
مآغير صوت الجعجعة فآلقنوات
لكنّ مآ شفنآ الرحى و الطحينآ
أهل الخليج اهمومھم في الزيآدات
تفكيرنآ تآلِ الشھر كم يجينآ
فصل الشتآ كلّه تمآشي وكشتآت
والصيف ب اسطنبول ولّا ب اثينآ
ومع اتسآع العولمة في المسآحآت
طلع ثلاث اربآعنا ملحدينآ
وأرض اليمن منتوجھا شمّه وقآت
سكآنھآ في عشبھآ مرتعينآ
ان جآت للفزعة ولانكار للذات
عز اللھہ ان اهل اليمن خآيبينآ
وارض الكنآنة بلطجية وثورات
شعبٍ غدا في سكّة التايهينآ
إلى اعتزت فيفي وصآحت عنآيآت
قآموا لھآ مليون متضآهرينآ
وإن جيت للسودان وقت الملمآت
سكآنھا طول السنة نآيمينآ
وإن قلت هبوا يآعرب يكفي اسبآت
يقلون لک يآ زول (مآ دايرينآ)
والمغرب الاقصى عليھ التحيآت
اوادم(ن) من فيدهم ميّسينآ
والاردن اللي تحتميھہ الزلامآت
ترى العدا من شرّهم سآلمينآ
وتشوف في لبنآن كثر الديآنآت
كلن على مذهب وملھہ ودينآ
لكنّ في السهرة تزول الخلافآت
مثل البقر والضان متخآلطينآ
واهل العراق هل الشيم والبطولات
الرافضة سوّت عليهم كمينآ
أرض الخلافة والعطا والحضآرات
تلعب بھآ الشيعة شمآل ويمينآ
يلعن ابو ذيک الخشش واللحوات
من دون ربي يعبدون الحسينا
كل المصآيب والفتن والخيآنآت
اللي جرت للعُرب والمسلمينآ
في وقتنآ الحاضر وفي مآضي فآت
للشيعة الاوباش فيھآ يدينآ
الشيعة أنجس من جميع النجآسآت
والعن من ابليس الرجيم اللعينآ
يآسوريآ عذراً ترى المعتصم مآت
ثوري وغير الله لا ترتجينا

انا يوم اجـيّ وأمركــــــــم .. سعد بن جدلان

انا يوم اجـيّ وأمركــــــــم ياوليفـي حنـج
ولا وديّ أقرابـك تلـدّ النـظــــــــــــــر فـيّـه
لعبّ بيّ غرامك فالخفا لعبـة الشطـــــرنـج
ليا دار لعبه بيـن الأعضـاء السيـــــــــاسيـه
وسبح بي غرامك سبح موج البحر فاللنجّ
غفلت وغدابي حبّـك شويّـه ..شــــــــــوّيـه
لاشفت زولك قام يدخل أعظــــامـي بنـج
أسولف مع العالـم وقلبـي لـه نحــــــــيّـه

القناص .. سعد بن جدلان

ياعنا القناص يالصيد المّدسم
ياكتاب الشمس وكتاب الطلاسم
أمسك أعصابي وإذا شفتك تّبسم
كنك تكويني على الكبد بمياسم
كن بياضك من حمارك لاتقّسم
عارض في وجنتك موكب مراسم
حبكم سيطر على قلبي ورسّم
مثل ماسيطر على بغداد قاسم

فاعل خير .. سعد بن جدلان

انا وين ابلقا يالاجاويد فاعل خير
حريصٍ على سر المحبين لرسلته
امن اول لو اصبر عام ما بان بي تأثير
وهالحين حتى صبر يومين ما احتلته
انا مثل صقارٍ تولّع بحب الطير
ولف قلبه افروخ الشياهين وهبلته
تولعت في فرخٍ قضيبٍ يتل السير
ابي لمحةٍ من نظرة الحر وإسبلته
صغير بسنه غير عندي ماهوب اصغير
يا مغلاه في قلبي ويا كبر منزلته
اجمع له سمان الهرج خوفٍ من التقصير
والا جيت ابشرح له كلامي تهيزلته
يجيني منه هيبة محبه.. سحى.. تقدير
اقابله عندي علم واروح ما قلته

فرحة صلاح الدين .. سعد بن جدلان

لعل ربٍٍ جمع يوسف ويعقوبي
يلّمني مع وليفي واتهنابه
اللي من اجله ما غير احسّب اذنوبي
والقلب كنّ الدبا الحنّان يرعابه
احتل طيش المشاعر واخلف اسلوبي
وجميع ما مرني منه اتهجابه
الكلمه الطيّبه لا قطها صوبي
والا نظرلي بنظرة عطف جذّابه
فرحت فرحة صلاح الدين الايوبي
ساعة تولّى على المقدس وصلابه

عيد الله عليك يعود .. سعد بن جدلان

عيد الله عليك يعود يالمستكا والعود
هنيك جعل الله بشوفك يهنيني
عيدية ضمير حط فية الفراق لهود
أجامل على الأنظار والهم طاويني
أجدد مع ذكراي عقب الغياب عهود
وأناو الله اني داري ما انت ناسيني
مواثيق خمس السنين ياناسع المردود
ويجيبها جزيل الشك من بينك وبيني
ولو كرهوا لحساد واهل القلوب السود
معزتك في قلبي وقدرك على عيني
محبتك عندي كل ليل ويوم تزود
تزيد وتجدد دام انا وانت حييني
ولو طولت فرقاك قلبي رعاة الدود
فخطر علي ادخل شهار المجانيني

أكبر طاغية .. سعد بن جدلان

الله يرحم بوك وأمك ويلحقك بهواك
كلنا للي تقولين أذانٍ صاغية
أنت مطغيك البها لين حدد مستواك
يعني أكبر مجرمة حب وأكبر طاغيه
شوفتك للي فؤاده مريضٍ في حراك
جنةٍ ما ينسمع في طرفها لاغيه
أنا يوم أغليك.. وآجيك.. وآدور رضاك
باغيه نفسي!! ولا أدري وشنهي باغيه..