فوق هام السحب ( الشعر الشعبي) على متن القوافي

يا نسمة الصُبح ياجو الصفاء العابر
يا زهرة الحب والتقدير في قلبي

يا نفحة الشوق عطّر وردي الزاهر
يا ريحة الفُلووالأزهار في دربي

يا روعة الوجه نورك نوري الجاهر
يا مجهر القلب والتشخيص في طبي

يا رونق العشق والأحباب ياساحر
يا سحر فاخر أسرني وإمتلك لُبي

يا طيف طوّف شعوري حلّ بالخاطر
حلوه جميله خلقها بالزمن ربي

....

عطيتك اللي في الهوى ماطرا لك
وخليت قلبي لك مقيضً ومرباع
ٓ
والا أنت مدري كيف فالحب حالك
مدري غرامك صدق ولا تصناّع

....

‏مشاغل الوقت تاخذنا عن الطاعه
والناس ماتت ولا قضت مشاغلّها

يارب لطفك بنا لا قامت الساعه
في يومن النفس تبكي من عمايلها

بقلمي

‏لا تلومني لا جيت كلي من أقصاي
‏مافيه غيرك لا تضايقت جيته

‏جيتك ولا غيرك ذكرته بمسراي
‏جيتك وكل إنسان غيرك نسيته

‏جيتك وأنا ماني بـ أنا تايه الـراي
‏جيتك وأنا مدري وش اللي بغيته

....

أسوق الخطاوي والخطاوي تبي مشوار
ياوين الطريق اللي نهايته ومضه نور

معي قلب ثلثينه محبّه وثلث أسرار
يخاف السنين تحده ويكشف المستوُر

....

من بلاغة الشعراء في ( وصف العيون )

يا فلذة كبدي المتفرّده بين الصبايا
وش يقول الشاعر إللي عينك أوسع من خياله
جمال بندر

طرف خادرته لو أقرب منه وأقوس إتساعه
لاتغارب يمكن أحلف إنّه أوسع من خيالي

عقلي الشايب ويا قلبي الشاب
المتزن مابي يضيع اتزانه

لا تفضحوني عند تلعات الارقاب
والناس تعرفني رزين وتكانه

انا هواوي والهوى سلم الاحباب
ولا خير في سلم المحبين كانه

يلحقني بمنقود عكفان الاشناب
ولّا يورّدني دروب المهانه

....

مابي اعترف لك بالغلا وانت غالي
خلك كذا مابين ضامن وشكاك

مره تقول ان فيه غيرك فـ بالي
ومره تقول ان مابه إنسان يسواك

....

‏ماعلمك طول الغياب إني كبير
وإني على كثر إشتياقي ما أتبعك

ماقلت لك قبل التمادي استخير
خل العناد اللي غدابك ينفعك

....

يهمّني همّك وأحاتي محاتاك
أنا معك في كل فرحك وهمّك

لا خان وقتك وأقرب الناس خلّاك
تلقاني أقرب من وريدك لدمّك

....